ଆମେଠି, ନୂଆଦିଲ୍ଲୀରୁ ସିଭାନ ଯାଉଥିବା ବସ ଗତକାଲି ରାତି 2ଟା ବେଳେ ଆମେଠି ଜିଲ୍ଲାର ବାଜାର ଶୁକୁଳ ଥାନା ଅନ୍ତର୍ଗତ ପୂର୍ବାଂଚଳ ଏକ୍ସପ୍ରେସ ୱେର ଏକ ଅଜଣା ଗାଡିର ପଛ ସହ ଧକ୍କା ହୋଇଥିଲା । ଦୁର୍ଘଟଣା ଏତେ ଭୟାବହ ଥିଲା ଯେ, ବସର ଆଗ ଭାଗ ସଂପୂର୍ଣ୍ଣ ନଷ୍ଟ ହୋଇଯାଇଛି । ଏହି ଦୁର୍ଘଟଣାରେ 4ଜଣ ଯାତ୍ରୀଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ 12ଜଣ ଯାତ୍ରୀ ଆହତ ହୋଇଥିଲେ । ଜିଲ୍ଲା ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ଜଣଙ୍କର ମୃତ୍ୟୁ ହୋଇଛି । ଖବର ପାଇବା ପରେ ପୋଲିସ ଘଟଣାସ୍ଥଳରେ ପହଂଚି ଆମ୍ବୁଲାନ୍ସ ଜରିଆରେ ସମସ୍ତ ଯାତ୍ରୀଙ୍କୁ ନିକଟରେ ହସ୍ପିଟାଲରେ ଭର୍ତ୍ତି କରିଥିଲେ । ସଙ୍କଟାପନ୍ନ ଅବସ୍ଥାରେ ଥିବା 3ଜଣ ଯାତ୍ରୀଙ୍କୁ ଜିଲ୍ଲା ହସ୍ପିଟାଲ ରେଫର କରାଯାଇଛି ।
