କେନ୍ଦୁଝର, କେନ୍ଦୁଝର ସାଂସଦ ଅନନ୍ତ ନାୟକ କାଠୁଆ ଆତଙ୍କବାଦୀ ଆକ୍ରମଣକୁ ନେଇ ଦୁଃଖ ପ୍ରକାଶ କରିଛନ୍ତି । ସେ ସୋସିଆଲ ମିଡିଆ ଏକ୍ସରେ ଲେଖିଛନ୍ତି, ଜାମ୍ମୁ କାଶ୍ମୀର କାଠୁଆ ଠାରେ ଆତଙ୍କବାଦୀ ମାନଙ୍କ ଆକ୍ରମଣରେ ଭାରତୀୟ ସେନାର ପାଂଚ ଜଣ ବୀର ଜବାନଙ୍କ ବଳିଦାନ ଖବର ଶୁଣି ମୁଁ ଦୁଃଖିତ । ଦେଶ ପାଇଁ ପ୍ରାଣବଳୀ ଦେଇଥିବା ଏହି ଜବାନ ମାନଙ୍କ ପରିବାରବର୍ଗ ପ୍ରତି ଗଭୀର ସମବେଦନା ଜଣାଉଛି ଓ ସେମାନଙ୍କର ଅମର ଆତ୍ମାର ସଦଗତି ନିମନ୍ତେ ପ୍ରଭୁ ଜଗନ୍ନାଥ ଓ ମା ତାରିଣୀଙ୍କ ନିକଟରେ ପ୍ରାର୍ଥନା କରୁଛି । ଏହି ଆକ୍ରମଣରେ ଆହତ ହୋଇଥିବା ଜବାନ ମାନଙ୍କର ଆଶୁ ଆରୋଗ୍ୟ କାମନା କରୁଛି ।
