ନୂଆଦିଲ୍ଲୀ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋମବାର କହିଛନ୍ତି ଯେ, ଭାରତ ଏକ ଶାନ୍ତିପୂର୍ଣ୍ଣ ଏବଂ ସ୍ଥିର କ୍ଷେତ୍ର ନିମନ୍ତେ ସହାୟକ ଭୂମିକା ତୁଲାଇବାରେ ଇଚ୍ଛୁକ ଅଟେ । ପ୍ରଧାନମନ୍ତ୍ରୀ ମୋଦୀ ଏକ୍ସ ରେ ଏକ ପୋଷ୍ଟ କରି କହିଛନ୍ତି ଯେ, ଆଗାମୀ ତିନି ଦିନ ମୁଁ ରୁଷ୍ ଓ ଅଷ୍ଟ୍ରିୟା ଗସ୍ତରେ ରହିବି । ଏହି ଗସ୍ତ ଦ୍ୱାରା ସମ୍ପୃକ୍ତ ଦେଶ ଗୁଡିକ ସହିତ ଭାରତର ସମ୍ପର୍କକୁ ଆହୁରି ମଜବୁତ କରିବା ନେଇ ଏକ ଶାନଦାର ଅବସର ହେବ । ଯାହା ସହିତ ଭାରତର ପୁରୁଣା ବନ୍ଧୁତ୍ୱ ରହିଛି । ମୁଁ ସେସବୁ ଦେଶରେ ରହୁଥିବା ଭାରତୀୟ ସମୁଦାୟଙ୍କ ସହିତ କଥାବାର୍ତା କରିବାକୁ ମଧ୍ୟ ଉତ୍ସୁକ । ପ୍ରଧାନମନ୍ତ୍ରୀ ମୋଦୀ ନିଜ ପ୍ରସ୍ଥାନ ବକ୍ତବ୍ୟରେ କହିଥିଲେ ଯେ, ମୁଁ ୨୨ତମ ବାର୍ଷିକ ଶିଖର ସମ୍ମିଳନୀ ପାଇଁ ରୁଷି ସଂଘର ଅଫିସିଆଲ ଯାତ୍ରାରେ ଯାଉଛି । ଏବଂ ଆଗାମୀ ତିନି ଦିନରେ ଅଷ୍ଟ୍ରିୟାକୁ ମୋର ପ୍ରଥମ ଗସ୍ତ ହେବ ।
