ମୁମ୍ବାଇ, ଛତ୍ରପତି ସଂଭାଜୀନଗର ଜିଲ୍ଲାର ମହାବୀର ଚୌକ ସ୍ଥିତ ବାବା ପେଟ୍ରୋଲ ପମ୍ପ ନିକଟରେ ଗତକାଲି ବିଳମ୍ବିତ ରାତିରେ ଶିନ୍ଦେ ସମୂହର ବିଧାୟକ ସଞ୍ଜୟ ଶିରସାଟଙ୍କ କାର୍ ଉପରକୁ କିଛି ଅଜଣା ବ୍ୟକ୍ତିବିଶେଷ ପଥର ଫିଙ୍ଗିଛନ୍ତି । ଏବଂ ଏହାପରେ ସେମାନେ ଘଟଣାସ୍ଥଳରୁ ଫେରାର୍ ହୋଇଯାଇଛନ୍ତି । ସଂଭାଜୀନଗର ପୋଲିସ ପଥର ଫିଙ୍ଗିଥିବା ଦୁର୍ବୃତ ମାନଙ୍କୁ ତଲାସ୍ କରୁଛି । ପୋଲିସ ସୂତ୍ରରୁ ପ୍ରାପ୍ତ ସୂଚନା ଅନୁସାରେ, ରବିବାର ଶିନ୍ଦେ ସମୂହର ବିଧାୟକ ସଞ୍ଜୟ ଶିରସାଟ ନିଜ ପରିବାର ସହିତ କାର୍ ଯୋଗେ ସଂଭାଜୀନଗର ଜିଲ୍ଲାକୁ ଯାଇଥିଲେ । ବିଳମ୍ବିତ ରାତିରେ ସେଠାରୁ ଫେରୁଥିବା ସମୟରେ ସହରର ବାବା ପେଟ୍ରୋଲ ପମ୍ପ ନିକଟରେ କିଛି ଲୋକ ଗଣ୍ଡଗୋଳ ଆରମ୍ଭ କରିଥିଲେ । ସେମାନଙ୍କୁ ବୁଝାଇବାକୁ ଚେଷ୍ଟା କରିଥିଲେ ବିଧାୟକ ସଞ୍ଜୟ । ତେବେ ଏହି ସମୟରେ ସେହି ଅଜ୍ଞାତ ଲୋକ ମାନେ ବିଧାୟକଙ୍କ ଗାଡ଼ି ଉପରକୁ ପଥର ଫିଙ୍ଗିଥିଲେ । ଏବଂ ଅନ୍ଧାରର ସୁଯୋଗ ନେଇ ସେଠାରୁ ଫେରାର୍ ହୋଇଯାଇଥିଲେ ।
