ନୂଆଦିଲ୍ଲୀ– ରାଷ୍ଟ୍ରପତି ଦ୍ରୌପଦୀ ମୁର୍ମୁ ପୁରୀରେ ଶ୍ରୀଜଗନ୍ନାଥଙ୍କ ରଥଯାତ୍ରାରେ ସାମିଲ ହେବା ପରେ ସେଠାରୁ ସମୁଦ୍ରକୂଳକୁ ଯାଇଥିଲେ । ମହାମହିମ ସେଠାରେ କିଛି ସମୟ ବିତାଇଥିଲେ ।ପୁରୀ
ସମୁଦ୍ର କୂଳରେ ସେ ବେଶ୍ ଶାନ୍ତି ଅନୁଭବ କରୁଥିବାର ଦେଖିବାକୁ ମିଳିଥିଲା । ରାଷ୍ଟ୍ରପତି ଭବନ ପକ୍ଷରୁ ତାଙ୍କ ଯାତ୍ରାର କିଛି ଫଟୋ ଓ ତାଙ୍କ ବିଚାର ଏକ୍ସ ହ୍ୟାଣ୍ଡେଲରେ ସେୟାର କରାଯାଇଛି ।
ରାଷ୍ଟ୍ରପତି ଦ୍ରୌପଦୀ ମୁର୍ମୁ କହିଛନ୍ତି ଯେ, ଏହା ଏଭଳି ସ୍ଥାନ ଅଟେ, ଯାହା ଆମକୁ ଜୀବନର ସାରର ନିକଟକୁ ଆଣିଥାଏ ଏବଂ ଆମକୁ ମନେପକାଇଥାଏ ଯେ, ଆମେ ପ୍ରକୃତିର ଅଂଶ ଅଟୁ । ପାହାଡ, ଜଙ୍ଗଲ, ନଦୀ ଓ ସମୁଦ୍ର କୂଳ ଆମ ଭିତରର କୌଣସି ଗଭୀର ଜିନିଷକୁ ଆକର୍ଷିତ କରିଥାଏ । ମୁଁ ଯେଭଳି ଆଜି ସମୁଦ୍ର କୂଳରେ ଚାଲୁଥିଲି, ମୋତେ ଆଖପାଖର ବାତାବରଣ ସହିତ ଜଡିତ ହୋଇଥିବା ଅନୁଭବ ହୋଇଥିଲା-ହାଲୁକା ପବନ, ଲହଡିର ଶବ୍ଦ ଓ ଜଳରାଶିର ବିଶାଳ ବିସ୍ତାର । ଏହା ଏକ ଧ୍ୟାନପୂର୍ଣ୍ଣ ଅନୁଭବ ଥିଲା । ସେ କହିଛନ୍ତି, ଏହାଦ୍ୱାରା ମୋତେ ଗଭୀର ଶାନ୍ତି ମିଳିଥିଲା, ଯାହା ମୋତେ ସେତେବେଳେ ବି ଅନୁଭବ ହୋଇଥିଲା, ଯେତେବେଳେ ମୁଁ କାଲି ମହାପ୍ରଭୁ ଶ୍ରୀ ଜଗନ୍ନାଥଙ୍କ ଦର୍ଶନ କରିଥିଲା । ଏବଂ ଏଭଳି ଅନୁଭବ ପାଇଥିବା ମୁଁ ଏକୁଟିଆ ନୁହେଁ । ଆମେ ସମସ୍ତେ ଏଭଳି ଅନୁଭବ କରିପାରିବୁ, ଯେତେବେଳେ ଆମର ସାମ୍ନା କିଛି ଏଭଳି ଜିନିଷରେ ହୋଇଥାଏ ଯାହା ଆମଠାରୁ ଅନେକ ବଡ ଅଟେ, ଯାହା ଆମକୁ ସାହାର ଦେଇଥାଏ ଏବଂ ଯାହା ଆମ ଜୀବନକୁ ସାର୍ଥକ କରିଥାଏ ।
