ମୁମ୍ବାଇରେ ପ୍ରବଳ ବର୍ଷା, ଜଳପୂର୍ଣ୍ଣ ସହର, ରେଳସେବା ବାଧାପ୍ରାପ୍ତ

ଭୁବନେଶ୍ୱର, ମୁମ୍ବାଇ- ମୁମ୍ବାଇ ଓ ଏହାର ଆଖପାଖ ଉପନଗରୀରେ ରାତିରୁ ପ୍ରବଳ ବର୍ଷା ଲାଗିରହିଛି । ଫଳରେ ସାୟନ, ହିନ୍ଦମାତା ଅଂଚଳ, ଦାଦର, ମାଟୁଂଗା, ଭାଂଡୁପ, ଅନ୍ଧେରୀ, କୁର୍ଲା ଆଦି ଅଂଚଳ ଜଳମଗ୍ନ ହୋଇଛି । ବର୍ଷା ଯୋଗୁ ସାଧାରଣ ଜୀବନଯାତ୍ରା ପ୍ରଭାବିତ ହୋଇଛି । ରେଳଧାରଣା ମଧ୍ୟ ଜଳମଗ୍ନ ହୋଇଛି । ମଧ୍ୟ ରେଲୱେ ଓ ହାର୍ବର ରେଲୱେ ସେବା ବାଧାପ୍ରାପ୍ତ ହୋଇଛି ।ବର୍ଷା କାରଣରୁ ପଶ୍ଚିମ ରେଲୱେର ସେବା ବି ବାଧାପ୍ରାପ୍ତ ହୋଇଛି ।ମୁମ୍ବାଇରେ ରାତିସାରେ ପ୍ରାୟ 300 ମିଲିମିଟର ବର୍ଷା ରେକର୍ଡ ହୋଇଛି । ଏହାଯୋଗୁ ମୁମ୍ବାଇର ତଳୁଆ ଅଂଚଳ ଅନ୍ଧେରୀ ସବୱେ-ମିଲନ ସବୱେ ଓ ମାଲାଡ ସବୱେ ଜଳମଗ୍ନ ହୋଇଛି । ଏହାଯୋଗୁ ସହରରେ ଯାତାୟତ ସଂପୂର୍ଣ୍ଣ ପ୍ରଭାବିତ ହୋଇଛି ।