ସମ୍ବଲପୁର, ସ୍ଥାନୀୟ କଚେରୀ ରୋଡ଼ ସ୍ଥିତ ଜିଲ୍ଲା ବିଜେପି କାର୍ଯ୍ୟାଳୟ ପରିସରରେ ଶନିବାର ମଧ୍ୟାହ୍ନରେ ଜନସଂଘର ପ୍ରତିଷ୍ଠାତା ତଥା ଜନସଂଘର ପ୍ରଥମ ସଭାପତି ଶ୍ୟାମା ପ୍ରସାଦ ମୁଖାର୍ଜୀଙ୍କ ଜୟନ୍ତୀ ମହାସମାରୋହରେ ପାଳିତ ହୋଇଯାଇଛି । ସମ୍ବଲପୁର ଜିଲ୍ଲା ସାଧାରଣ ସମ୍ପାଦକ ଅନିଲ ବେହେରାଙ୍କ ନେତୃତ୍ବରେ ଅନୁଷ୍ଠିତ ଜୟନ୍ତୀ କାର୍ଯ୍ୟକ୍ରମର ପ୍ରାରମ୍ଭରେ ଶ୍ୟାମା ପ୍ରସାଦ ମୁଖାର୍ଜୀଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ ପୂର୍ବକ ତାଙ୍କ ଜୀବନି ତଥା ତାଙ୍କ ନୀତି ଆଦର୍ଶ ସ୍ମୃତିଚାରଣ କରିବା ପରେ ବିଜେପି ପକ୍ଷରୁ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା ।
ଆୟୋଜିତ ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଜିଲ୍ଲା କୃଷକ ମୋର୍ଚ୍ଚା ସଭାପତି ସମିର ରଞ୍ଜନ ବାବୁ, ବିଜେପି ରାଜ୍ଯ ପେନାଲିଷ୍ଟ ମାନସ ବକ୍ସି, ମୋହନ ଦାସ, ଅରୁଣ ଦାସ, ସୋମିତ୍ର ଯୋତି, ଅନୁପ ମିଶ୍ର, ଧ୍ରୃବରାଜ ପାଣିଗ୍ରାହୀ, କାହ୍ନୁରାମ ଶର୍ମା, କର୍ଣ୍ଣ ଓରାମ, ସନ୍ତୋଷ ମୁଣ୍ଡା ପ୍ରମୁଖ ଉପସ୍ଥିତ ଥିଲେ।
