ବଲାଙ୍ଗିର, ଆଜି ସ୍ଥାନୀୟ ପତିତପାବନ ଏକାଡେମୀ ର ପ୍ରଧାନଶିକ୍ଷକ ସିନୁ ସୁନ୍ଦର ପାଢ଼ୀଙ୍କ ଅଧ୍ୟକ୍ଷତାରେ ବିଦ୍ୟାଳୟର ଏନ୍ଆରଜି କ୍ଲବ, ଇକୋ କ୍ଲବ,ଏନସିସି, ଯେଆର୍ସି ଏବଂ ସ୍କାଉଟ ବିଭାଗର ଶିକ୍ଷକ ଶିକ୍ଷୟିତ୍ରୀ ତଥା ଛାତ୍ର ବୃନ୍ଦଙ୍କ ଦ୍ଵାରା ବନ ମହୋତ୍ସବ ସପ୍ତାହ ପାଳନ କରି ସଚେତନତା ଶୋଭାଯାତ୍ରା ତଥା ବିଦ୍ୟାଳୟ ପରିସରରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଛି ।
ଏଥିରେ ସ୍ଥାନୀୟ ଗୋପବନ୍ଧୁ ସ୍ବେଚ୍ଛାସେବୀ ସଂଘ ର ସଭ୍ୟ ମାନେ ସହଯୋଗ କରିଥିଲେ । ଇକୋ କ୍ଲବ ର ବିଭାଗୀୟ ଶିକ୍ଷୟିତ୍ରୀ ଶ୍ରୀମତୀ ଧନବନ୍ତି ବରିହାଙ୍କ ସଂଯୋଜନାରେ ବିଦ୍ୟାଳୟରେ ଛାତ୍ର ମାନଙ୍କ ମଧ୍ୟରେ ପ୍ରବନ୍ଧ ଓ ଚିତ୍ରାଙ୍କନ ପ୍ରତିଯୋଗିତା ଅନୁଷ୍ଠିତ ହୋଇଥିଲା ଏବଂ ବିଦ୍ୟାଳୟର ସହକର୍ମୀ ବୃନ୍ଦ ଏଥିରେ ସହଯୋଗ କରିଥିଲେ ।
