ବଲାଙ୍ଗିର, ଦାଦନ ଖଟିବାକୁ ଯାଇଥିବା ଜଣେ ଯୁବକଙ୍କ ମୃତ୍ୟୁ ଘଟିଛି । ଦାଦନ ଖଟିବାକୁ ମହାରାଷ୍ଟ୍ରର ପୁଣେ ଯାଇଥିବା ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଥାନା ଅଂଚଳର ୨୨ ବର୍ଷିୟ ଯୁବକ ବୁଦ୍ଧଦେବ ମେଣ୍ଡେଲିଙ୍କ ମୃତ୍ୟୁ ଘଟିଛି । ସେ ସେଠାରେ କାର୍ଯ୍ୟ କରୁଥିବା ସମୟରେ ହଠାତ୍ ଭାରସାମ୍ୟ ହରାଇ ଛାତ ଉପରୁ ତଳକୁ ଖସିପଡିଥିଲେ । ଚିକିତ୍ସାଧିନ ଅବସ୍ଥାରେ ସେଠାରେ ତାଙ୍କର ମୃତ୍ୟୁ ଘଟିଛି । ଏହି ଖବର ଜାଣିବା ପରେ ପରିବାର ଲୋକ ଦୁଃଖରେ ଭାଙ୍ଗିପଡିଛନ୍ତି ।
ଏଠାରେ ଉଲ୍ଲେଖଯୋଗ୍ୟ, ବୁଦ୍ଧଦେବ ତିନି ବର୍ଷ ହେଲା ପୁଣେରେ ଦାଦନ ଶ୍ରମିକ ଭାବେ କାମ କରୁଥିଲେ । ଗତ ୧ ତାରିଖରେ କାମ କରୁଥିବା ସମୟରେ ଛାତ ଉପରୁ ଭାରସାମ୍ୟ ହରାଇ ତଳକୁ ଖସିପଡିଥିଲେ । ଚିକିତ୍ସାଧୀନ ଅବସ୍ଥାରେ ସେଠାରେ ତାଙ୍କର ମୃତ୍ୟୁ ଘଟିଛି । ପରିବାର ଲୋକ ସେଠାରେ ପହଁଚିଲା ପରେ ମୃତକଙ୍କ ଶବ ବ୍ୟବଚ୍ଛେଦ କରାଯାଇଛି । ଏବେ ପରିବାର ଲୋକ ପୁଅର ଶବକୁ କିପରି ଗାଁକୁ ଆଣିବେ ସେ ନେଇ ଚିନ୍ତାରେ ପଡିଛନ୍ତି । ରାଜ୍ୟ ସରକାରଙ୍କ ଶ୍ରମ ବିଭାଗକୁ ସହଯୋଗ କରିବାକୁ ଲିଖିତ ଭାବେ ଜଣାଇଛନ୍ତି ମୃତ ବୁଦ୍ଧଦେବଙ୍କ ମା ହୀରାମଣୀ ମେଣ୍ଡେଲି ।
