ମୁରାଦାବାଦ, ଦିଲ୍ଲୀ-ଲକ୍ଷ୍ନୌ ରାଜପଥ ସ୍ଥିତ ମୁଂଢାପାଂଡେ ଥାନା ଅଂଚଳରେ ଗୁରୁବାର ସକାଳେ ଏକ ରୋଡୱେଜ ବସ ଓ କାମ ମୁହାଁମୁହିଁ ଧକ୍କା କାରଣରୁ କାରରେ ଥିବା ପିତା, ତିନି ପୁଅଙ୍କ ସହିତ 5ଜଣଙ୍କ ମୃତ୍ୟୁ ହୋଇଛି । ହଜ୍ କରି ଫେରିଥିବା ପିତା ଓ ମାତାଙ୍କୁ ଦିଲ୍ଲୀ ଏୟାରପୋର୍ଟରୁ ନେଇ ତିନି ପୁଅ କାର ଯୋଗେ ଫେରୁଥିଲେ । ଏହି ଦୁର୍ଘଟଣାରେ 2ଜଣ ଆହତ ହୋଇଛନ୍ତି ।
ରାମପୁର ଜିଲ୍ଲାର ସ୍ୱାର କୋତୱାଲି ଅଂଚଳର ମୁକରମପୁର ଗାଁର ବାସିନ୍ଦା ଅଶରଫ ଅଲି ଓ ତାଙ୍କ ପତ୍ନୀ ଜୈତୁନ ହଜ କରିବାକୁ ଯାଇଥିଲେ । ହଜ ପରେ ଦମ୍ପତି ବୁଧବାର ସନ୍ଧ୍ୟାରେ ଦିଲ୍ଲୀ ଏୟାରପୋର୍ଟରେ ଓହ୍ଲାଇଥିଲେ । ଏୟାରପୋର୍ଟରୁ ଆଣିବା ପାଇଁ ତାଙ୍କ ତିନି ପୁଅ ନକ୍ସେ ଅଲି, ଆରିଫ ଅଲି ଓ ଆସିଫ ଅଲି ଏୟାରପୋର୍ଟରେ ପହଂଚିଥିଲେ । ଏହାପରେ ସମସ୍ତେ ରାତିରେ ମୁକରମପୁର ବାହାରିଥିଲେ । ତେବେ ଗୁରୁବାର ସକାଳେ ତାଙ୍କ କାର ସାମ୍ନାରୁ ଆସୁଥିବା ଏକ ରୋଡୱେଜ ବସରେ ଧକ୍କା ହୋଇଥିଲା ।
