ମାଲକାନଗିରି, ମାଲକାନଗିରି ଜିଲ୍ଲା କାଲିମେଳା ବ୍ଲକ ଅନ୍ତର୍ଗତ ୩୨୬ ନମ୍ବର ଜାତୀୟ ରାଜପଥର ରେ ଥିବା ଏମ ଭି ୬୬ ଗ୍ରାମ ନିକଟରେ ବୁଧବାର ସକାଳୁ ଘଟିଯାଇଛି ଏକ ମର୍ମନ୍ତୁଦ ଦୁର୍ଘଟଣା । ଆନ୍ଧ୍ର ପ୍ରଦେଶ ଅଭିମୁଖେ ଦୃତ ଗତିରେ ଯାଉଥିବା ଏକ ଟ୍ରଲର ଗାଡ଼ି ଏମ ଭି ୬୬ ମୁଖ୍ୟ ରାସ୍ତା ରେ ଶୋ ଇଥିବା ୫ ଟି ଗାଈ ଉପରେ ଚଢି ଯାଇଥିଲା । ଏଥିରେ ୪ ଟି ଗାଈଙ୍କ ମୃତ୍ୟୁ ହୋଇଥିବା ବେଳେ ଗୋଟିଏ ଗାଈ ଆହତ ହୋଇଛି । ଦୁର୍ଘଟଣା ପରେ ଟ୍ରଲର ଡ୍ରାଇଭର ଗ୍ରାମ ଲୋକଙ୍କୁ ଡାକି ଏ ବାବଦରେ ଜଣାଇଥିଲେ । ପରେ ଗ୍ରାମବାସୀ ମିଶି ରାସ୍ତାରେ ମରି ପଢିଥିବା ଗୋରୁଙ୍କୁ ଉଠାଇ ଥିଲେ । ଦୁର୍ଘଟଣାଗ୍ରସ୍ତ ଗୋରୁ ଗୁଡିକ ହେଲା ଏମ ଭି ୬୬ ଗ୍ରାମର ସଂଜିତ ସରକାର, ସଞ୍ଜୟ ସରକାର, ସୁଭାଷ ସରକାର, ବଳରାମ ଢ଼ାଲି ଓ କ୍ରୀଷ୍ଣା ଢାଲିଙ୍କର । ସୂଚନା ପାଇ କାଲିମେଳା ଥାନା ପୁଲିସ୍ ଘଟଣା ସ୍ଥଳରେ ପହଞ୍ଚି ଲୋକଙ୍କୁ ବୁଝା ସୁଝା କରିବା ସହ ତଦନ୍ତ ଜାରି ରଖିଥିବା ଥାନା ଅଧିକାରୀ ସୂଚନା ଦେଇଛନ୍ତି ।
