ବୌଦ୍ଧ, ରାଣିପଥର ଘାଟିରେ ଭାରସାମ୍ୟ ହରାଇ ଏକ କାର୍ ଦୁର୍ଘଟଣାଗ୍ରସ୍ତ ହୋଇଛି । ଦୁର୍ଘଟଣାରେ ଚାରି ଜଣ ଗୁରୁତର ଆହତ ହୋଇଛନ୍ତି । ବୌଦ୍ଧ-କନ୍ଧମାଳ ସୀମାନ୍ତ ରାଣିପଥର ଘାଟିରେ ଭାରସାମ୍ୟ ହରାଇ କାର୍ ଦୁର୍ଘଟଣାଗ୍ରସ୍ତ ହୋଇଥିବା ବେଳେ ଏଥିରେ ଚାରି ଜଣ ଗୁରୁତର ଆହତ ହୋଇଛନ୍ତି ।
ସୂଚନା ଅନୁଯାୟୀ, ବୌଦ୍ଧ ଜିଲ୍ଲା ବାଉଁସୁଣି ଅଂଚଳର ଧର୍ମୁ ମେହେରଙ୍କ ପରିବାରର ପ୍ରୀତି ମେହେର, ଗାୟତ୍ରୀ ମେହେର ଏବଂ ତନ୍ମୟ ମେହେର, ଏକ୍ କାର ଯୋଗେ କୌଣସି କାମରେ ଫୁଲବାଣୀ ଯାଇ ଫେରୁଥିବା ସମୟରେ କାର୍ ଟି ଭାରସାମ୍ୟ ହରାଇ ରାଣିପଥର ଘାଟିରେ ଦୁର୍ଘଟଣାଗ୍ରସ୍ତ ହୋଇଥିଲା । ଏଥିରେ ଚାରିଜଣ ଗୁରୁତର ଆହତଙ୍କୁ ସେଇ ରାସ୍ତା ଦେଇ ଆସୁଥିବା କିଛି ଲୋକ ଉଦ୍ଧାର କରି ବସ୍ ଯୋଗେ ଆଣି ପୁରୁଣାକଟକ ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ରରେ ଭର୍ତି କରିଥିଲେ । ଡାକ୍ତର ଆହତ ମାନଙ୍କ ପ୍ରାଥମିକ ଚିକିତ୍ସା କରି ବୌଦ୍ଧ ମୁଖ୍ୟ ଡ଼ାକ୍ତରଖାନାକୁ ପଠାଇଥିବା ସୂଚନା ମିଳିଛି ।
