ଭୁବନେଶ୍ୱର, ବୁର୍ଲା ଭିସୁଟ ର ୬୯ତମ ସ୍ଥାପନା ଦିବସ ପାଳନ ଅବସରରେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଶୁଭେଚ୍ଛା ଜଣାଇଛନ୍ତି । ସୋସିଆଲ ସାଇଟ୍ ଏକ୍ସରେ କେନ୍ଦ୍ରମନ୍ତ୍ରୀ ଲେଖିଛନ୍ତି ସମ୍ବଲପୁର ବୁର୍ଲା ସ୍ଥିତ ବୀର ସୁରେନ୍ଦ୍ର ସାଏ ବୈଷୟିକ ବିଶ୍ୱବିଦ୍ୟାଳୟ (ଭିସୁଟ)ର ୬୯ତମ ସ୍ଥାପନା ଦିବସ ପାଳନ ଅବସରରେ ଶୁଭେଚ୍ଛା । ବୈଷୟିକ ଶିକ୍ଷା ପ୍ରଦାନ କରିବାରେ ଭିସୁଟ ଏକ ଅଗ୍ରଣୀ ଅନୁଷ୍ଠାନ । ଓଡ଼ିଶା ସମେତ ଦେଶର ଅନେକ ଛାତ୍ରଛାତ୍ରୀଙ୍କ ଭବିଷ୍ୟତ ଉଜ୍ଜ୍ୱଳ କରିଥିବା ଏହି ଅନୁଷ୍ଠାନ ବିକଶିତ ସମ୍ବଲପୁର ଓ ବିକଶିତ ଓଡ଼ିଶା ଗଠନ ଦିଗରେ ନିଜର ଯୋଗଦାନ ରଖିବ । ସମ୍ବଲପୁରକୁ ଶିକ୍ଷା ଆଧାରିତ ଅର୍ଥନୀତି କରିବା, ଜାତୀୟ ଶିକ୍ଷା ନୀତି ଆଧାରରେ ବୈଶ୍ୱିକ ନାଗରିକ ସୃଷ୍ଟି କରିବା ସହ ମାନବ କଲ୍ୟାଣ ଦିଗରେ ଏହି ଅନୁଷ୍ଠାନର ବଡ ଯୋଗଦାନ ରହିବ ବୋଲି ମୋର ପୂର୍ଣ୍ଣ ବିଶ୍ୱାସ ।
