ଭୁବନେଶ୍ୱର, କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଭିସୁଟର ୬୯ତମ ସ୍ଥାପନା ଦିବସ ପାଳନ ଅବସରରେ ଶୁଭେଚ୍ଛା ଜଣାଇଛନ୍ତି। ସେ ସୋସିଆଲ ମିଡିଆରେ ଲେଖିଛନ୍ତି, ସମ୍ବଲପୁର ବୁର୍ଲା ସ୍ଥିତ ବୀର ସୁରେନ୍ଦ୍ର ସାଏ ବୈଷୟିକ ବିଶ୍ୱବିଦ୍ୟାଳୟ (ଭିସୁଟ)ର ୬୯ତମ ସ୍ଥାପନା ଦିବସ ପାଳନ ଅବସରରେ ଶୁଭେଚ୍ଛା । ବୈଷୟିକ ଶିକ୍ଷା ପ୍ରଦାନ କରିବାରେ ଭିସୁଟ ଏକ ଅଗ୍ରଣୀ ଅନୁଷ୍ଠାନ । ଓଡ଼ିଶା ସମେତ ଦେଶର ଅନେକ ଛାତ୍ରଛାତ୍ରୀଙ୍କ ଭବିଷ୍ୟତ ଉଜ୍ଜ୍ୱଳ କରିଥିବା ଏହି ଅନୁଷ୍ଠାନ ବିକଶିତ ସମ୍ବଲପୁର ଓ ବିକଶିତ ଓଡ଼ିଶା ଗଠନ ଦିଗରେ ନିଜର ଯୋଗଦାନ ରଖିବ । ସମ୍ବଲପୁରକୁ ଶିକ୍ଷା ଆଧାରିତ ଅର୍ଥନୀତି କରିବା, ଜାତୀୟ ଶିକ୍ଷା ନୀତି ଆଧାରରେ ବୈଶ୍ୱିକ ନାଗରିକ ସୃଷ୍ଟି କରିବା ସହ ମାନବ କଲ୍ୟାଣ ଦିଗରେ ଏହି ଅନୁଷ୍ଠାନର ବଡ ଯୋଗଦାନ ରହିବ ବୋଲି ମୋର ପୂର୍ଣ୍ଣ ବିଶ୍ୱାସ ।
