ବଲାଙ୍ଗିର– ଟିଟିଲାଗଡ଼ରୁ ବେଲଗାଁ ଯିବା ରାସ୍ତାରେ ଚୋରମରା ସ୍ଥିତ ମହାବୀର ପେପର ମିଲ୍ ରେ ଘଟିଛି ଅଗ୍ନିକାଣ୍ଡ । ଆଜି ସକାଳେ ପେପର ମିଲ୍ ର କେମିକାଲ ଗୋଦାମରେ ଏହି ନିଆଁ ଲାଗିଥିଲା । ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଂଚି ନିଆଁକୁ ଆୟତ କରିଛି । ଅଗ୍ନିକାଣ୍ଡରେ ପେପର ମିଲ୍ ର କେମିକାଲ ପ୍ଲାଂଟ ଏବଂ ଲକ୍ଷାଧିକ ଟଙ୍କାର ସାମଗ୍ରୀ ପୋଡ଼ି ନଷ୍ଟ ହୋଇଛି । ସର୍ଟସର୍କିଟ୍ ରୁ ନିଆଁ ଲାଗିଥିବା ସନ୍ଦେହ କରାଯାଉଛି । ତେବେ କାରଖାନାର ସମସ୍ତ କର୍ମଚାରୀ ସୁରକ୍ଷିତ ଥିବା ସୂଚନା ମିଳିଛି ।
