ଜୟପୁର– ଗଞ୍ଜେଇ ଚାଲାଣ ବେଳେ ଜୟପୁର ସଦର ପୋଲିସ ଚଢଉ କରି ଜଣେ ଅଭିଯୁକ୍ତକୁ ଗିରଫ କରିଛି । ଗିରଫ ଅଭିଯୁକ୍ତ ଜଣକ ହେଲା କୋରାପୁଟ ସଦର ଥାନା ଅନ୍ତର୍ଗତ ବଡ ନାୟକଗୁଡାର ରାଜେଶ ଖିଲ ।
ପୋଲିସ ସୂଚନା ଅନୁଯାଇ, ଜୟପୁର ସଦର ଥାନା ଅନ୍ତର୍ଗତ ପାତ୍ରପୁଟ ଅଞ୍ଚଳରେ ରାତ୍ର ପେଟ୍ରୋଲିଂ କରୁଥିବା ବେଳେ ଏକ ଧଳା ରଙ୍ଗର ମହିନ୍ଦ୍ରା ସୁପ୍ରୋ କାର କୋଟା ଛକ ଦେଇ ଜୟପୁର ଆସୁଥିବା ବେଳେ ପୋଲିସ ଚଢଉ କରିଥିଲା । ଚଢଉ କରି ଗାଡି ଯାଞ୍ଚ କରିଥିଲା । ଗାଡିରୁ ୨୯୭ କେଜି ଗଞ୍ଜେଇ ଜବତ କରିଥିଲା । ଲମତାପୁଟ ଅଞ୍ଚଳରୁ ଗଞ୍ଜେଇ ଆଣି କୋଲାବକୁ ଚାଲାଣ କରୁଥିବା ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି । ଗିରଫ ଅଭିଯୁକ୍ତ ଠାରୁ ମୋବାଇଲ, କାର, ଗଞ୍ଜେଇ ଜବତ କରିଥିବା ବିଷୟ ସଦର ଥାନା ଅଧିକାରି ଇଶ୍ଵର ତାଣ୍ଡି ସୂଚନା ଦେଇଛନ୍ତି ।
