ରାୟପୁର-ଛତିଶଗଡର ଅନେକ ସ୍ଥାନରେ ପ୍ରବଳ ବର୍ଷା ଲାଗିରହିଛି । ପାଣିପାଗ ବିଭାଗର ସୂଚନା ଅନୁସାରେ ରାୟପୁର ଓ ବିଳାସପୁରକୁ ଲାଗିକରିଥିବା ଜିଲ୍ଲାରେ ପ୍ରବଳ ବର୍ଷା ହୋଇପାରେ । ମୁଖ୍ୟତଃ ରାୟଗଡ, ମହାସମୁନ୍ଦ, ବଲୌଦାବାଜାର, ଯଶପୁର ସହିତ ଅନ୍ୟ ଜିଲ୍ଲାରେ ପ୍ରବଳ ବର୍ଷା ହୋଇପାରେ । ଏହାସହିତ କିଛି ସ୍ଥାନରେ ଘଡଘଡି ସହିତ ବିଜୁଳି ମାରିପାରେ ।
ଗତକାଲି ରାତିରେ ବିଜାପୁର ସମେତ ତମାମ ଅଂଚଳରେ ପ୍ରବଳ ବର୍ଷା ହୋଇଛି । ଫଳରେ ଛୋଟ ଛୋଟ ନଦୀ, ନାଳ ଓ କ୍ଷେତରେ ପାଣି ଭରିଯାଇଛି । ଏପରିକି ସହର ଭିତରେ ବି ପାଣି ପଶିଛି । ବିଜାପୁରର ମଲଗୋଡା ଓ କୋତାପାଲ ଗାଁରୁ ବିଜାପୁରକୁ ଯୋଡୁଥିବା ରାସ୍ତା ଉପରେ ନିର୍ମାଣ ହୋଇଥିବା ପୋଲ ପ୍ରବଳ ବର୍ଷା ଯୋଗୁ ଧୋଇଯାଇଛି । ଫଳରେ ଲୋକଙ୍କ ଯାତାୟତ ଠପ୍ ହୋଇଯାଇଛି ।
