ନୂଆଦିଲ୍ଲୀ– ଆପର ରାଜ୍ୟସଭା ସଦସ୍ୟ ସଂଜୟ ସିଂହଙ୍କ ସଦସ୍ୟତା ଗୁରୁବାର ପୁନର୍ସ୍ଥାପିତ ହୋଇଛି । ଗତ ବର୍ଷ ମୌସୁମୀ ଅଧିବେଶନ ସମୟରେ ତାଙ୍କୁ ଅଧ୍ୟକ୍ଷଙ୍କ ନିର୍ଦ୍ଦେଶକୁ ବାରମ୍ବାର ଉଲ୍ଲଂଘନ କରିବା କାରଣରୁ ମନସୁନ ଅଧିବେଶନର ଶେଷ ସମୟରେ ସସପେଣ୍ଡ କରାଯାଇଥିଲା ।
ଆଜି ରାଜ୍ୟସଭାର 254ତମ ଅଧିବେଶନର ଆରମ୍ଭରେ ରାଜ୍ୟସଭାର ସଭାପତି ଜଗଦୀପ ଧନଖଡ ରାଜ୍ୟସଭା ସଦସ୍ୟ ସଂଜୟ ସିଂହଙ୍କ ନିଲମ୍ବନ ରଦ୍ଦ କରିବା ନେଇ ଘୋଷଣା କରିଥିଲେ । ସେ କହିଥିଲେ ଯେ, ସଂଜୟ ସିଂହଙ୍କୁ 2023, ଜୁଲାଇ 24ରେ ବିଶେଷାଧିକାର କମିଟି ଦ୍ୱାରା ନିଜ ନିଷ୍କର୍ଷ ପ୍ରସ୍ତୁତ କରିବା ଯାଏ ଗୃହର ସେବାରୁ ନିଲମ୍ବନ କରାଯାଇଥିଲା । ଜୁନ 26, 2024ରେ ରାଜ୍ୟସଭା ବିଶେଷାଧିକାର କମିଟି ସଂଜୟ ସିଂହଙ୍କ ବିରୁଦ୍ଧରେ ପଡିରହିଥିବା ମାମଲା ଉପରେ ରିପୋର୍ଟ ପ୍ରସ୍ତୁତ କରିଛି । କମିଟି ସଂଜୟ ସିଂହଙ୍କୁ ସମସ୍ତ ମାମଲାରେ ପରିଷଦର ବିଶେଷାଧିକାର ଉଲ୍ଲଂଘନର ଦୋଷୀ ମାନି ସଦସ୍ୟଙ୍କ ଉଲ୍ଲଂଘନ ପାଇଁ ପର୍ଯ୍ୟାପ୍ତ ଦଣ୍ଡ ମିଳିଥିବା ସୁପାରିଶ କରିଛି । ରାଜ୍ୟସଭା ପ୍ରକ୍ରିୟା ଓ କାର୍ଯ୍ୟ ସଂଚାଳନ ନିୟମ ଆଧାରରେ ତାଙ୍କୁ ନିଲମ୍ବନ ରଦ୍ଦ କରାଯାଇଛି ।
