ଭୁବନେଶ୍ୱର, ପ୍ୟାରିସ ଅଲିମ୍ପିକ୍ସ ପାଇଁ ୧୯ ଜଣିଆ ଭାରତୀୟ ହକି ଦଳ ଘୋଷିଣା କରାଯାଇଛି । ହରମନପ୍ରୀତ ସିଂ ଭାରତୀୟ ଦଳର ନେତୃତ୍ୱ ନେବେ । ଭାରତୀୟ ଦଳରେ ଏକମାତ୍ର ଓଡ଼ିଆ ଖେଳାଳି ଭାବେ ଅମିତ ରୋହିଦାସଙ୍କୁ ସୁଯୋଗ ମିଳିଛି । ଜୁଲାଇ ୨୭ରେ ନ୍ୟୁଜିଲାଣ୍ଡ ବିପକ୍ଷରେ ଅଭିଯାନ ଆରମ୍ଭ କରିବ ଭାରତ ।
ହରମନପ୍ରୀତ ସିଂ ଭାରତୀୟ ଦଳର ଅଧିନାୟକ ଦାୟିତ୍ୱରେ ଥିବା ବେଳେ ହାର୍ଦ୍ଦିକ ସିଂହଙ୍କୁ ଉପ-ଅଧିନାୟକ କରାଯାଇଛି । ପ୍ୟାରିସ୍ ଅଲିମ୍ପିକ୍ସରେ ପାଂଚ ଜଣ ନବାଗତଙ୍କୁ ମଧ୍ୟ ସୁଯୋଗ ମିଳିଛି । ଜରମନପ୍ରୀତ ସିଂହ, ସଞ୍ଜୟ, ରାଜ କୁମାର ପାଲ, ଅଭିଷେକ ଏବଂ ସୁଖଜିତ ସିଂହ ଡେବ୍ୟୁ କରିବାକୁ ଯାଉଛନ୍ତି । ଶ୍ରୀଜେଶ ଗୋଲକିପର୍ ଥିବାବେଳେ ନୀଳକାନ୍ତ ଶର୍ମା, ଯୁଗରାଜ ସିଂହ ଏବଂ କୃଷ୍ଣ ପଠକଙ୍କୁ ବିକଳ୍ପ ଭାବେ ସ୍ଥାନିତ କରାଯାଇଛି ।
