ବାରମୂଳା, ବାରମୂଳା ଜିଲ୍ଲାର ସୋପୋରର ରାଫିୟାବାଦ ଅଂଚଳରେ ବୁଧବାର ଆତଙ୍କବାଦୀ ଓ ସୁରକ୍ଷାବଳ ମଧ୍ୟରେ ଗୁଳି ବିନିମୟ ଆରମ୍ଭ ହୋଇଛି । ସୋପୋରର ହାଦିପୋରାର ଲାଇସର ଅଂଚଳରେ ବୁଧବାର ସକାଳେ ଆତଙ୍କବାଦୀ ଉପସ୍ଥିତି ସଂପର୍କରେ ସୂଚନା ମିଳିବା ପରେ ପୋଲିସ, ସେନା ଓ ସିଆରପିଏଫର ମିଳିତ ଟିମ ଘେରାବନ୍ଦୀ ଓ ତଲାସୀ ଅଭିଯାନ ଆରମ୍ଭ କରିଛନ୍ତି । ଦ୍ୱିପ୍ରହର ପରେ ଅଂଚଳରେ ଲୁଚି ରହିଥିବା ଆତଙ୍କବାଦୀମାନେ ସୁରକ୍ଷାବଳକୁ ନିକଟରେ ଦେଖି ଗୁଳି ଚଳାଇଥିଲେ, ଏହାପରେ ଗୁଳି ବିନିମୟ ଆରମ୍ଭ ହୋଇଥିଲା । ଉଭୟଙ୍କ ମଧ୍ୟରେ ଗୁଳି ବିନିମୟ ଜାରି ରହିଛି ।
