ନୂଆଦିଲ୍ଲୀ,ହରିୟାଣା କଂଗ୍ରେସର ବରିଷ୍ଠ ନେତା କିରଣ ଚୌଧୁରୀ ଓ ତାଙ୍କ ଝିଅ ଶ୍ରୁତି ଚୌଧୁରୀ ବୁଧବାର ବିଜେପିରେ ସାମିଲ ହୋଇଛନ୍ତି । ଦୁଇ ନେତା କାଲି କଂଗ୍ରେସରୁ ଇସ୍ତଫା ଦେଇଥିଲେ । ପାର୍ଟି ମୁଖ୍ୟାଳୟରେ କେନ୍ଦ୍ରମନ୍ତ୍ରୀ ମନୋହର ଲାଲ ଖଟ୍ଟର, ପାର୍ଟିର ରାଷ୍ଟ୍ରୀୟ ମହାସଚିବ ତରୁଣ ଚୁଘ, ହରିୟାଣାର ମୁଖ୍ୟମନ୍ତ୍ରୀ ନାୟବ ସିଂହ ସୈନୀ ଓ ଅନ୍ୟ ବରିଷ୍ଠ ନେତାଙ୍କ ଉପସ୍ଥିତିରେ ଉଭୟ ବିଜେପିରେ ସାମିଲ ହୋଇଛନ୍ତି ।
କିରଣ ଚୌଧୁରୀ ହରିୟାଣାର ପୂର୍ବତନ ମୁଖ୍ୟମନ୍ତ୍ରୀ ବଂଶୀଲାଲଙ୍କ ବୋହୂ ଅଟନ୍ତି । ସେ ଭିବାନୀ ଜିଲ୍ଲାର ତୋଶାମରୁ ବିଧାୟକ ଅଟନ୍ତି । ଶ୍ରୁତି ଚୌଧୁରୀ କଂଗ୍ରେସର ହରିୟାଣାରୁ କାର୍ଯ୍ୟକାରୀ ଅଧ୍ୟକ୍ଷ ଥିଲେ ।
