ମୁମ୍ବାଇ, ବିଜେପିର ପ୍ରଦେଶ ଅଧ୍ୟକ୍ଷ ଚନ୍ଦ୍ରଶେଖର ବାଭନକୁଲେ ବୁଧବାର କହିଛନ୍ତି ଯେ, ମହାରାଷ୍ଟ୍ରରେ ଆଗାମୀ ବିଧାନସଭା ନିର୍ବାଚନ ଦେବେନ୍ଦ୍ର ଫଡନଭିସଙ୍କ ନେତୃତ୍ୱରେ ସହଯୋଗୀ ଦଳ ସହିତ ମିଶି ଲଢିବ, କିନ୍ତୁ ରାଜ୍ୟର ମୁଖ୍ୟମନ୍ତ୍ରୀ ପଦର ନିଷ୍ପତ୍ତି ପରେ ନିଆଯିବ । ଏହାସହିତ ଲୋକସଭା ନିର୍ବାଚନରେ ବିଜେପିର ପ୍ରଦେଶ ଗୋଷ୍ଠୀ ପକ୍ଷରୁ ଜୁଲାଇ ମାସରେ ଧନ୍ୟବାଦ ଯାତ୍ରା କରାଯିବ । ଚନ୍ଦ୍ରଶେଖର ବାବନକୁଲେ ମଙ୍ଗଳବାର ଦିଲ୍ଲୀରେ ରାଜ୍ୟ ବିଜେପି ନେତାଙ୍କ ବୈଠକରେ ଯୋଗ ଦେଇଥିଲେ । ବୁଧବାର ଦିଲ୍ଲୀରୁ ଫେରିବା ପରେ ନାଗପୁରରେ ବାଭନକୁଲେ ସାମ୍ବାଦିକଙ୍କୁ ସମ୍ବୋଧିତ କରିଛନ୍ତି । ଚନ୍ଦ୍ରଶେଖର ବାଭନକୁଲ କହିଛନ୍ତି ଯେ, ଦିଲ୍ଲୀରେ ଲୋକସଭା ନିର୍ବାଚନରେ ପାର୍ଟିର ପ୍ରଦର୍ଶନ ଉପରେ ଆଲୋଚନା ହୋଇଥିଲା, କିନ୍ତୁ ଦେବେନ୍ଦ୍ର ଫଡନଭିସଙ୍କୁ ମନ୍ତ୍ରୀ ପଦରୁ ହଟାଇବା ପାଇଁ କୌଣସି ନିଷ୍ପତ୍ତି ନିଆଯାଇନାହିଁ ।
