ଭୁବନେଶ୍ୱର, ୟୁନିଟ୍-୩ ମସଜିଦ୍ କଲୋନୀ ପାଖରେ ଥିବା ଏକ ମୁକୁଳା ଡ୍ରେନ୍ ରେ ପଡି ଜଣେ ୮ ବର୍ଷର ନାବାଳକର ମୃତ୍ୟୁ ଘଟିଛି । ମୃତ ନାବାଳକ ଜଣକ ହେଲା ଏସ କେ ରାଜେଶ ।
ମଙ୍ଗଳବାର ଅପରାହ୍ନରେ ଭୁବନେଶ୍ୱରରେ ଲଗାଣ ବର୍ଷା ଫଳରେ ଡ୍ରେନ୍ ଜଳମଗ୍ନ ଥିଲା । ପାଣିରେ ଭାସି ଯାଉଥିବା ଗୋଟିଏ ବେଲୁନ୍ ଆଣିବାକୁ ଯାଇ ରାଜେଶ ଭାସି ଯାଇଥିଲା । ଅନେକ ସମୟ ଖୋଜାଖୋଜି ପରେ ନାବାଳକଟି ମିଳିଥିଲା । ଲକ୍ଷ୍ମୀସାଗର ଓସ୍କାର ସିଟି ନିକଟ ନାଳରୁ ରେସ୍କ୍ୟୁ ଟିମ୍ ତାକୁ ଉଦ୍ଧାର କରିଥିଲେ ।
ନାବାଳକକୁ ଉଦ୍ଧାର କରି କ୍ୟାପିଟାଲ ହସ୍ପିଟାଲ ନିଆଯାଇଥିଲା । ତେବେ ସେଠାରେ ତାର ମୃତ୍ୟୁ ଘଟିଛି ।
