ଭୁବନେଶ୍ୱର,କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ପାଇବାକୁ ମନୋନୀତ ହୋଇଥିବା ମାନସ ରଞ୍ଜନ ସାମଲ ଓ ସଞ୍ଜୟ କୁମାର ପଣ୍ଡାଙ୍କୁ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଅଭିନନ୍ଦନ ଜଣାଇଛନ୍ତି ।
ସୋସିଆଲ ସାଇଟ୍ ଏକ୍ସରେ କେନ୍ଦ୍ରମନ୍ତ୍ରୀ ଲେଖିଛନ୍ତି କେନ୍ଦ୍ର ସାହିତ୍ୟ ଏକାଡେମୀ ଦ୍ୱାରା ଚଳିତବର୍ଷ ଗଳ୍ପ ସଂକଳନ ‘ଗପ କଳିକା’ ପାଇଁ ବାଲ୍ ସାହିତ୍ୟ ପୁରସ୍କାର ପାଇବାକୁ ମନୋନୀତ ହୋଇଥିବା ବିଶିଷ୍ଟ ଶିଶୁ ସାହିତ୍ୟିକ ମାନସ ରଞ୍ଜନ ସାମଲ ଏବଂ ଗଳ୍ପ ସଂକଳନ ‘ହୁ ବାଇଆ’ ପାଇଁ ଯୁବ ପୁରସ୍କାର ପାଇବା ପାଇଁ ଯୋଗ୍ୟ ବିବେଚିତ ହୋଇଥିବା କଥାକାର ସଞ୍ଜୟ କୁମାର ପଣ୍ଡାଙ୍କୁ ଅଭିନନ୍ଦନ । ଆମ ରାଜ୍ୟ ଓଡ଼ିଶା ଆପଣ ମାନଙ୍କ ପରି ଲେଖକଙ୍କ ପାଇଁ ଗର୍ବିତ । ଆପଣ ମାନଙ୍କ ଏହି ସମ୍ମାନ ଓ ସୃଜନଶୀଳତା ଯୁବ ଲେଖକ ଲେଖିକା ମାନଙ୍କୁ ଅନୁପ୍ରାଣିତ କରିବ ।
