ନବରଙ୍ଗପୁର– ପୋଖରୀରେ ଗାଧୋଇବା ବେଳେ ପାଣିରେ ବୁଡି ମା ଝିଅଙ୍କ ମୃତ୍ୟୁ ଘଟିଛି । ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ ଅନ୍ତର୍ଗତ ପୁଜାରି ଭରଣ୍ଡି ଗ୍ରାମରେ ଆଜି ସକାଳେ ଘଟିଯାଇଛି ଏଭଳି ଏକ ଦୁଃଖଦ ଘଟଣା ।
ମା ଝିଅ ପୋଖରୀକୁ ଗାଧୋଇବାକୁ ଯାଇଥିଲେ । ଏହି ସମୟରେ ଝିଅ ପାଣିରେ ବୁଡି ଯାଉଥିବା ଦେଖି ମା ତାକୁ ଉଦ୍ଧାର କରିବାକୁ ଯାଇଥିଲେ । ଫଳରେ ପାଣିରେ ବୁଡି ମା ଝିଅଙ୍କ ମୃତ୍ୟୁ ଘଟିଛି । ମୃତକ ହେଲେ ଗୀତା କଲାର ଓ ତାଙ୍କ ୭ ବର୍ଷିୟା ଝିଅ କରିସ୍ମା କଲାର । ରଜରେ ଏଭଳି ଅଘଟଣକୁ ନେଇ ଗ୍ରାମରେ ଶୋକାକୂଳ ପରିବେଶ ସୃଷ୍ଟି ହୋଇଛି ।
