କଠୁଆ ଅଂଚଳରେ ହୋଇଥିବା ଗୁଳି ବିନିମୟ ସ୍ଥଳରୁ ବିପୁଳ ପରିମାଣର ଅସ୍ତ୍ରଶସ୍ତ୍ର ଓ ଗୋଳା ବାରୁଦ ଜବତ

କଠୁଆ– ଜମ୍ମୁ-କଶ୍ମୀରର କଠୁଆ ଜିଲ୍ଲାର ହୀରାନଗର ଅଂଚଳରେ ସୁରକ୍ଷାବଳ ବୁଧବାର ବିପୁଳ ପରିମାଣର ଅସ୍ତ୍ରଶସ୍ତ୍ର ଓ ଗୋଳା ବାରୁଦ ଜବତ କରାଯାଇଛି । ମଙ୍ଗଳବାର ରାତିରେ ଆରମ୍ଭ ହୋଇଥିବା ଗୁଳି ବିନିମୟରେ ଜଣେ ଆତଙ୍କବାଦୀ ନିହତ ହୋଇଥିବା ବେଳେ ଜଣେ ସିଆରପିଏଫ ଯବାନ ସହିଦ ହୋଇଛନ୍ତି ।

ଜବତ କରାଯାଇଥିବା ଅସ୍ତ୍ରଶସ୍ତ୍ର ଓ ଗୁଳି ବାରୁଦରେ 30 ରାଉଣ୍ଡ ବିଶିଷ୍ଟ ତିନି ମ୍ୟାଗାଜିନ, 24 ରାଉଣ୍ଡ ବିଶିଷ୍ଟ ଗୋଟିଏ ମ୍ୟାଗାଜିନ, ଗ୍ରେନେଡ, ଏକଲକ୍ଷ ଟଙ୍କାର ନୋଟ୍, ପାକିସ୍ତାନର ତିଆରି ଚକଲେଟ, ରୁଟି, ଔଷଧ, ଇଂଜେକସନ, ବ୍ୟାଟେରୀ ପ୍ରମୁଖ ଜବତ କରାଯାଇଛି ।