ଭୁବନେଶ୍ୱର/ବାରିପଦା, ବୁଢାବଳଙ୍ଗ ନଦୀରୁ ଅଜଣା ନାବାଳିକାର ମୃତଦେହ ଉଦ୍ଧାର ହୋଇଛି । ମୟୂରଭଞ୍ଜ ଜିଲା କୁଳିଅଣା ଥାନା ଅନ୍ତର୍ଗତ ଘୋଡାପାଳ ନିକଟ ଦେଇ ଯାଇଥିବା ବୁଢ଼ାବଲଙ୍ଗ ନଦୀରୁ ଅଜଣା ନାବାଳିକାର ମୃତଦେହ ଉଦ୍ଧାର ହୋଇଛି । ଆଜି ସକାଳୁ ସ୍ଥାନୀୟ ଲୋକମାନେ ନଦୀକୁ ଗାଧେଇବାକୁ ଆସିଥିବା ବେଳେ ନଦୀ ଭିତରେ ଏକ ମୃତଦେହ ଭାସୁଥିବା ଦେଖିବାକୁ ପାଇଥିଲେ । ଏନେଇ ଗ୍ରାମବାସୀ କୁଳିଅଣା ଥାନାକୁ ଖବର ଦେଇଥିଲେ । ଖବର ପାଇ କୁଳିଅଣା ପୋଲିସ ଏବଂ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନଦୀ ଭିତରୁ ମୃତଦେହ ଉଦ୍ଧାର କରି ଛାନଭିନ କରୁଛନ୍ତି ।
