କାଠମାଣ୍ଡୁ,ନେପାଳର ପ୍ରଧାନମନ୍ତ୍ରୀ ପୁଷ୍ପକମଳ ଦାହାଲ ପ୍ରଚଣ୍ଡ ଶନିବାର ନୂଆଦିଲ୍ଲୀ ଆସିବେ । ସେ ନୂଆଦିଲ୍ଲୀରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଶପଥ ଗ୍ରହଣ ସମାରୋହରେ ସାମିଲ ହେବେ । ସେ ଶପଥ ଗ୍ରହଣ ସମାରୋହରେ ସାମିଲ ହେବା ପାଇଁ ନିମନ୍ତ୍ରଣ ସ୍ୱୀକାର କରିଛନ୍ତି । ନେପାଳର ପ୍ରଧାନମନ୍ତ୍ରୀ ପ୍ରଚଣ୍ଡ ବୁଧବାର ନରେନ୍ଦ୍ର ମୋଦିଙ୍କୁ ଫୋନ କରି ନିର୍ବାଚନରେ ବିଜୟ ପାଇଁ ଶୁଭେଚ୍ଛା ଜଣାଇଥିଲେ । ଭାରତର ପ୍ରଧାନମନ୍ତ୍ରୀ ମୋଦି ତାଙ୍କୁ ଶପଥ ଗ୍ରହଣ ସମାରୋହରେ ସାମିଲ ହେବା ପାଇଁ ନିମନ୍ତ୍ରଣ କରିଥିଲେ । ପ୍ରଚଣ୍ଡଙ୍କ ସଚିବାଳୟ ମୁତାବକ ଶନିବାର ସକାଳେ ପ୍ରଧାନମନ୍ତ୍ରୀ କାଠମାଣ୍ଡୁରୁ ଦିଲ୍ଲୀ ଯିବେ ।
