ଗତକାଲି ବିଳମ୍ବିତ ରାତିରେ ୪ରୁ ୫ ଜଣ ଛେଳି ଚୋର ବେଲଗୁଣ୍ଠା ଫାଣ୍ଡି ଅନ୍ତର୍ଗତ ବରଗାଁ କୁ ଦୁଇଟି ଗାଡ଼ି ଗୋଟିଏ ପିକଅପ୍ ଭ୍ୟାନ୍ ଓ ଅନ୍ୟ ଏକ ସ୍କର୍ପିଓ ଗାଡ଼ି ନଂ ଓଆର୦୨ବିଆର୫୮୦୦ ଯୋଗେ ଆସିଥିଲେ । ଦୁର୍ବୃତ ମାନେ ଉଦୟ ଗୌଡ଼ଙ୍କ ଗୁହାଳରୁ ୬୦ଟି ଛେଳି ପିକଅପ୍ ଭ୍ୟାନ୍ ରେ ଉଠାଇବା ସହ ଆହୁରି କେତୋଟି ଛେଳି ସ୍କର୍ପିଓ ଗାଡ଼ିରେ ନେବାକୁ ଉଦ୍ୟମ କରୁଥିବା ବେଳେ ଗ୍ରାମର କିଛି ଲୋକ ଛେଳିଙ୍କ ବୋବାଳି ଶୁଣି ନିଦରୁ ଉଠିପଡି ଘଟଣାସ୍ଥଳରେ ପହଂଚି ଥିଲେ । ଏହି ସମୟରେ ଛେଳି ଚୋର ମାନେ ଗ୍ରାମବାସୀଙ୍କୁ ପିସ୍ତଲ ଓ ବିଭିନ୍ନ ମାରଣାସ୍ତ୍ର ଦେଖାଇ ଭୟଭିତ କରି ପିକଅପ୍ ଭ୍ୟାନ୍ ଟିକୁ ନେଇ ଘଟଣାସ୍ଥଳରୁ ଚମ୍ପଟ୍ ମାରିଥିଲେ । ଖବର ପାଇ ଜଗନ୍ନାଥପ୍ରସାଦ ଥାନା ପୋଲିସ ସେଠାରେ ପହଂଚି ଦୁର୍ବୃତ ମାନେ ଛାଡି ଚାଲିଯାଇଥିବା ସ୍କପିଓଟିକୁ ଜବତ କରିଛି । ବେଲଗୁଣ୍ଠା ଫାଣ୍ଡି ପୋଲିସ ଏ ସଂକ୍ରାନ୍ତରେ ଏକ ମାମଲା ରୁଜ୍ଜୁ କରି ତଦନ୍ତ ଚଳାଇଛି । ତେବେ ଅଦ୍ୟାବଧି ଚୋରଙ୍କୁ ଧରିବାରେ ପୋଲିସ ବିଫଳ ହୋଇଛି ।
