ଜୟପୁର- କୋଟପାଡ ପୁଲିସକୁ ବଢ ସଫଳତା । କୋରାପୁଟ ଜିଲ୍ଲା କୋଟପାଡ ସୁର୍ଲି ଗ୍ରାମ ନିକଟରେ ପୁଲିସ ଏକ କାର୍ ରୁ 1 କୁଇଣ୍ଟାଲ 69 କେଜି ଗଞ୍ଜେଇ ଜବତ କରିଛି ।
ପୋଲିସ ସୂତ୍ରରୁ ପ୍ରାପ୍ତ ସୂଚନା ଅନୁଯାୟୀ, ଗତକାଲି ରାତିରେ କୋଟପାଡ ପୁଲିସ ପେଟ୍ରୋଲିଂ କରିବା ସମୟରେ ସୁର୍ଲି ଗ୍ରାମ ନିକଟରେ ପୁଲିସ ଏକ କାର୍ ନଂ ( ଜେଏଚ 03.ଇ.7007)କୁ ସନ୍ଦେହ କରି ଅଟକାଇବା ସମୟରେ କାରରେ ବସିଥିବା ଦୁଇ ଗଞ୍ଜେଇ ମାଫିଆ ବହୁତ କୁହୁଡ଼ି ପଡିଥିବା ଯୋଗୁଁ ଏହାର ସୁଯୋଗ ନେଇ ପଳାୟନ କରିଥିଲେ। ଯାଞ୍ଚ ପରେ କାର୍ ଭିତରେ ଗଞ୍ଜେଇ ଥିବା ଜାଣିବାକୁ ପାଇଥିଲା ପୋଲିସ। ସେମାନେ ଏହି ଗଞ୍ଜେଇ କେଉଁଠୁ ଆଣିଲେ ଓ କେଉଁଠିକୁ ଚାଲାଣ କରୁଥିଲେ ସେନେଇ ତଦନ୍ତ ଚାଲିଛି । ଏନେଇ କୋଟପାଡ ଥାନାରେ ଏକ ମାମଲା ରୁଜୁ ହୋଇଛି । ଏହି କାର୍ କୁ ଯାଞ୍ଚ କରି ଘଟଣାର ମୁଖ୍ୟ ନିକଟରେ ପହଂଚିବାକୁ ପୋଲିସ ଚେଷ୍ଟା ଜାରୀ ରଖିଥିବା ସୂଚନା ମିଳିଛି ।
