ନୂଆଦିଲ୍ଲୀ, ଲୋକସଭା ନିର୍ବାଚନର ସପ୍ତମ ତଥା ଅନ୍ତିମ ପର୍ଯ୍ୟାୟରେ 7ଟି ରାଜ୍ୟ ଓ ଗୋଟିଏ କେନ୍ଦ୍ର ଶାସିତ ଅଂଚଳ ସହିତ ପ୍ରାୟ 57 ସଂସଦୀୟ ସିଟରେ ଆଜି ମତଦାନ ହୋଇଛି । ଦ୍ୱିପ୍ରହର 3ଟା ସୁଦ୍ଧା 49.68 ପ୍ରତିଶତ ମତଦାନ ହୋଇଥିବା ରେକର୍ଡ ହୋଇଛି । ଝାରଖଣ୍ଡରେ ସର୍ବାଧିକ 60.14 ପ୍ରତିଶତ ମତଦାନ ହୋଇଥିବା ବେଳେ ବିହାରରେ ସବୁଠୁ କମ୍ 42.95 ପ୍ରତିଶତ ମତଦାନ ରେକର୍ଡ ହୋଇଛି ।
ନିର୍ବାଚନ କମିଶନଙ୍କ ମୁତାବକ ବିହାରରେ 42.95 ପ୍ରତିଶତ, ଚଣ୍ଡିଗଡରେ 52.61 ପ୍ରତିଶତ, ହିମାଚଳ ପ୍ରଦେଶରେ 58.41 ପ୍ରତିଶତ, ଝାରଖଣ୍ଡରେ 60.14 ପ୍ରତିଶତ, ଓଡ଼ିଶାରେ 49.77 ପ୍ରତିଶତ, ପଂଜାବରେ 46.38 ପ୍ରତିଶତ, ଉତ୍ତର ପ୍ରଦେଶରେ 46.83 ପ୍ରତିଶତ ଓ ପଶ୍ଚିମବଙ୍ଗରେ 58.46 ପ୍ରତିଶତ ମତଦାନ ହୋଇଛି ।
