ଭୁବନେଶ୍ୱର, ଓଡ଼ିଶାରେ ଅନେକ ପ୍ରକାରର ୱାସିଂ ମେସିନ୍ ରହିଛି । କିନ୍ତୁ ଓଡ଼ିଶା ବିଜେପି ପାଖରେ ଯାହା ଅଛି ତାହା ବାସ୍ତବରେ ଅନନ୍ୟ । ସେମାନେ ଜଣେ ବିଜେଡି ନେତାଙ୍କ ବିରୋଧରେ ଆନ୍ଦୋଳନ କରିବେ, ତାଙ୍କୁ ଗୁଣ୍ଡା, ଜମି ଜବରଦଖଲକାରୀ, କଳାଧନ କାରବାରୀ ଓ ଚୋର କହିବେ । କିନ୍ତୁ ଏହି ବିଜେଡି ନେତା ଓଡ଼ିଶା ବିଜେପିକୁ ଯିବା ମାତ୍ରେ ତାଙ୍କୁ ଫୁଲମାଳ ପକାଇ ସ୍ୱାଗତ କରିବା ସହ ଓଡ଼ିଶା ବିଜେପିର ୱାସିଂ ମେସିନରେ ପକାଇ ସେ ସ୍ୱଚ୍ଛ ବୋଲି କହୁଥିବା କହିଛନ୍ତି ବିଜେଡି ସାଂସଦ ତଥା ରାଷ୍ଟ୍ରୀୟ ମୁଖପାତ୍ର ଡ.ସସ୍ମିତ ପାତ୍ର ।
ଡ. ପାତ୍ର କହିଛନ୍ତି ଯେ ବୈଜୟନ୍ତ ପଣ୍ଡା ଖୋର୍ଦ୍ଧା ସାରୁଅରେ ନିଜ କମ୍ପାନୀ ଜରିଆରେ ଗରିବ ଅନୁସୂଚିତ ଜାତି ଚାଷୀଙ୍କ ଠାରୁ ବେଆଇନ ଭାବେ ଜମି ହଡ଼ପ କରିଛନ୍ତି । ଗତ ୪ ବର୍ଷ ଧରି ଏହି ଗରିବ ଅନୁସୂଚିତ ଜାତିର ଲୋକମାନେ ଆନ୍ଦୋଳନ କରିବା ସତ୍ତ୍ୱେ ସେମାନଙ୍କୁ ଜମି ଫେରାଇବାକୁ ସେ ମନା କରିଦେଇଛନ୍ତି । କିନ୍ତୁ ସେ ଓଡ଼ିଶା ବିଜେପିର ପୋଷ୍ଟର ବଏ, ଗରିବ ଓ ଅବହେଳିତ ଲୋକଙ୍କ ଉନ୍ନତି କଥା କହୁଛନ୍ତି ।ବୈଜୟନ୍ତ ପଣ୍ଡାଙ୍କୁ ଦଳରୁ ହଟାଇ ଦେଇଥିଲା ବିଜେଡି । କିନ୍ତୁ ବିଜେପି ତାଙ୍କୁ ସାମିଲ କରିଛି । ସେମାନେ ନିଜ ଦଳର ନେତାଙ୍କୁ ଅବହେଳା କରିଥିଲେ ଏବଂ ଓଡ଼ିଶା ବିଜେପି ଏହି ଜମି ଜବରଦଖଲକାରୀଙ୍କୁ ଟିକେଟ୍ ଦେଇଥିଲା । ବାହାମାସ ତଦନ୍ତରେ ସମସ୍ତେ କହୁଛନ୍ତି ଯେ ବାହାମାସ ଦ୍ୱୀପର ତିନୋଟି କମ୍ପାନୀ ଫିନଲେ, ମେସିନା ଏବଂ ପିକିକା ୧୬-୧୭ କୋଟି ଟଙ୍କା ବୈଜୟନ୍ତ ପଣ୍ଡାଙ୍କ ଟିଭି କମ୍ପାନୀରେ ନିବେଶ କରିଛନ୍ତି । ମନି ଲଣ୍ଡରିଂ ଜରିଆରେ କଳାଧନ ଚାଲାଣ କ’ଣ ବଡ଼ ପ୍ରଶ୍ନ ଥିଲା । ଦିଲ୍ଲୀ ହାଇକୋର୍ଟ ୨୦୧୮/୧୯ରେ କଠୋର ତଦନ୍ତ ନିର୍ଦ୍ଦେଶ ଦେଇଥିଲେ ମଧ୍ୟ ଏପର୍ଯ୍ୟନ୍ତ କିଛି ହୋଇନାହିଁ । ବୈଜୟନ୍ତ ପଣ୍ଡା ଆଜିକାଲି ବିଜୁଳି କଥା କହୁଛନ୍ତି । ତାଙ୍କ କମ୍ପାନୀ ଓଡ଼ିଶାକୁ ୪୮୦ କୋଟି ଟଙ୍କା ବିଜୁଳି ବକେୟା ନଦେବା ପାଇଁ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ଭାରତର ୧୦ଟି ବ୍ୟାଙ୍କ ଏକାଥରକେ ତାଙ୍କ କମ୍ପାନୀକୁ ୨୩୦୦ କୋଟି ଟଙ୍କାର ଋଣ ଛାଡ଼ କରିଛନ୍ତି ।
ସେହିପରି ପ୍ରଶାନ୍ତ ଜଗଦେବ ଜଣେ ମଦ୍ୟପ ବ୍ୟକ୍ତି ବିଜେପି କର୍ମୀଙ୍କ ଉପରକୁ କାର୍ ଚଢାଇବା ସହିତ ବିଜେପି ବାଲୁଗାଁ ନଗର ସଭାପତିଙ୍କୁ ମାଡ଼ ମାରିବା ପରେ ଓଡ଼ିଶା ବିଜେପିର ୱାସିଂ ମେସିନ୍ରେ ନୂଆ ଗୁଣ୍ଡା ପୋଷ୍ଟର ବଏ ପାଲଟିଯାଏ, ଯାହାକୁ ଓଡ଼ିଶା ବିଜେପି ନେତାମାନେ ପୋଲିଂ ବୁଥ୍ ଭିତରେ ସେ କରିଥିବା ହିଂସାକୁ ସୁରକ୍ଷା ଦେବା ପାଇଁ ପ୍ରତିଦ୍ୱନ୍ଦ୍ୱିତା କରିବାରେ ବ୍ୟସ୍ତ ଅଛନ୍ତି ।
ଓଡ଼ିଶା ବିଜେପିର ୱାସିଂ ମେସିନରେ ସଫା ହୋଇଥିବା ଆଉ ଜଣେ ରାଜନେତା ହେଉଛନ୍ତି ପ୍ରଦୀପ ପାଣିଗ୍ରାହୀ । ନିରୀହ ଯୁବକଙ୍କୁ ଚାକିରି ଦେବାର ପ୍ରତିଶ୍ରୁତି ଦେଇ ଠକିବା, ଏଥିପାଇଁ ସେମାନଙ୍କ ଠାରୁ ଟଙ୍କା ନେଇ ଠକେଇ କରିବା ଅଭିଯୋଗରେ ଜେଲରେ ରହିଥିଲେ । ତାଙ୍କୁ ଫୁଲମାଳ ପକାଇ ଦଳୀୟ ଟିକେଟ ଦିଆଯାଇଥିଲା ଏବଂ ଏବେ ସେ ଓଡ଼ିଶା ବିଜେପି ପାଇଁ ଠକେଇର ପୋଷ୍ଟର ବଏ । ସେହି ଓଡ଼ିଶା ବିଜେପି ନେତାମାନେ ତାଙ୍କୁ ଚିଟ୍ଫଣ୍ଡ ଚୋର ବୋଲି କହୁଥିଲେ ଏବଂ ଆଜି ସେ ସେମାନଙ୍କ ପୋଷ୍ଟର ବଏ ପାଲଟି ଯାଇଛନ୍ତି । ଏହା ହେଉଛି ଓଡ଼ିଶା ବିଜେପିର ଅସଲ ଚେହେରା । ଯେଉଁ ଦଳ ଗୁଣ୍ଡା, ଜମି ଜବରଦଖଲକାରୀ, ଠକ ଓ କଳାଧନ କାରବାରକାରୀଙ୍କୁ ଖୋଲା ହୃଦୟରେ ସ୍ୱାଗତ କରି ଦଳୀୟ ଟିକେଟ ଦେଇଥାଏ । ସେମାନେ ଏଭଳି ଅପରାଧୀଙ୍କୁ ଯେତେ ଅଧିକ ପ୍ରୋତ୍ସାହନ ଓ ସୁରକ୍ଷା ଦେଉଛନ୍ତି, ଲୋକଙ୍କ ଆଖିରେ ସେତିକି ତଳକୁ ଖସୁଛନ୍ତି ଏବଂ ସେଥିପାଇଁ ଓଡ଼ିଶା ବିଜେପି ନିର୍ବାଚନ ପରେ ନିର୍ବାଚନ ହାରୁଥିବା ଡ.ପାତ୍ର କହିଛନ୍ତି ।
