କନ୍ଧମାଳ, ଫୁଲବାଣୀ ମା ନାରାୟଣୀ ମନ୍ଦିରକୁ ଯିବା ରାସ୍ତା ନିକଟରେ ଥିବା ମଶାଣି ଭିତରେ ବହୁ ଦିନରୁ ଖାଲ ଢିପ, ଅଳିଆ ଆବର୍ଜନାରେ ଭରପୁର ହୋଇ ପଡ଼ି ରହିଥିଲା। ତାହାକୁ ସଫେଇ କାର୍ଯ୍ୟ କରିବା ପାଇଁ ନିଷ୍ପତ୍ତି ନେଇଥିଲେ କିଛି ଯୁବ ସାମାଜସେବୀ। ଫୁଲବାଣୀ ଉପ ପୌରାଧ୍ୟକ୍ଷା ପାୟଲ ବେହେରାଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଏବଂ ୭ ନମ୍ବର ୱାର୍ଡର କାଉନ୍ସିଲର ଟୁନି ସେଠୀ ୧୧ ନମ୍ଵର୍ ୱାର୍ଡର କାଉନ୍ସିଲର ବସନ୍ତ ସାହାଣୀ, ବିକ୍ରମ ବେହେରା ଓ ଠୁକୁନ୍ଦର ସେଠୀଙ୍କ ଉପସ୍ଥିତରେ ଜେସିବି ଲଗାଇ ମଶାଣି ସଫା ସୁତୁରା କାର୍ଯ୍ୟ କରିଥିଲେ। ଫଳରେ ଏବେ ଉକ୍ତ ମଶାଣି ବହୁତ ସୁନ୍ଦର ଦେଖା ଯାଉଥିବା ବେଳେ ଆଗାମୀ ବର୍ଷା ରୁତୁରେ ମଶାଣି ଚତୁଃପାର୍ଶ୍ଵରେ ବୃକ୍ଷ ରୋପଣ କରିବା ପାଇଁ ନିଷ୍ପତ୍ତି ନିଆଯାଇଛି ବୋଲି ପୌରାଉପାଧ୍ୟକ୍ଷା ପାୟଲ ବେହେରା କହିଛନ୍ତି । ଏହି କାର୍ଯ୍ୟ ପାଇଁ ଯୁବସମାଜସେବୀ ମାନେ ବୁଦ୍ଧିଜିବୀ ମହଲରେ ପ୍ରଶଂସିତ ହୋଇଛନ୍ତି।
