ନୂଆଦିଲ୍ଲୀ, କଂଗ୍ରେସ ସଂସଦୀୟ ଦଳର ଅଧ୍ୟକ୍ଷ ତଥା କଂଗ୍ରେସର ବରିଷ୍ଠ ନେତା ସୋନିଆ ଗାନ୍ଧି ଓ କଂଗ୍ରେସ ସାଂସଦ ରାହୁଲ ଗାନ୍ଧି ଆଜି ନୂଆଦିଲ୍ଲୀରେ ଭୋଟ ଦେଇଛନ୍ତି । ତାଙ୍କ ସହିତ କଂଗ୍ରେସର ମହାସଚିବ ପ୍ରିୟଙ୍କା ଗାନ୍ଧି ଭଦ୍ରା ଓ ରବର୍ଟ ଭଦ୍ରା ବି ନିଜର ମତାଧିକାର ସାବ୍ୟସ୍ତ କରିଛନ୍ତି । ନୂଆଦିଲ୍ଲୀର ମତଦାନ କେନ୍ଦ୍ରରେ ପ୍ରିୟଙ୍କା ଭଦ୍ରା ନିଜ ପୁଅ ରେୟାନ ରାଜୀବ ଭଦ୍ରା ଓ ଝିଅ ମିରାୟା ଭଦ୍ରାଙ୍କ ସହ ଦେଖିବାକୁ ମିଳିଥିଲେ ।
ମତଦାନ କେନ୍ଦ୍ର ବାହାରେ ମିଡିଆ ସହ ଆଲୋଚନା ବେଳେ ରାହୁଲ କହିଛନ୍ତି ଯେ, ମାଆ ଓ ମୁଁ ଗଣତନ୍ତ୍ରର ଏହି ମହାପର୍ବ ପାଇଁ ଭୋଟ ଦେଇ ନିଜ ଯୋଗଦାନ କରିଛୁ । ରାହୁଲ ଗାନ୍ଧି ନିଜ ମାଆଙ୍କ ସହ ସେଲଫି ନେଇ ସୋସିଆଲ ମିଡିଆ ଏକ୍ସରେ ଏକ ପୋଷ୍ଟ କରିଛନ୍ତି ।
