ଚମ୍ପୁଆ , ଚମ୍ପୁଆ ଠାରେ ଆୟୋଜିତ ବିଜେପି ର ବିଜୟ ସଂକଳ୍ପ ସମାବେଶରେ ଟେଲି କଳାକାର ତଥା ବିଜେପି ଷ୍ଟାର ପ୍ରଚାରକ ଅରୁଣ ଗୋଭିଲ ଯୋଗ ଦେଇ ବିଜେପି ବିଧାୟକ ପ୍ରାର୍ଥୀ ମୁରଲୀ ମନୋହର ଶର୍ମା ଏବଂ କେନ୍ଦୁଝର ବିଜେପି ସାଂସଦ ପ୍ରାର୍ଥୀ ଅନନ୍ତ ନାଏକଙ୍କ ପାଇଁ ନିର୍ବାଚନୀ ପ୍ରଚାର କରିଛନ୍ତି । ଆଜି ଚମ୍ପୁଆ ନେହେରୁ ଷ୍ଟାଡିୟମ ଠାରେ ଏହି ବିଜୟ ସଂକଳ୍ପ ସମାବେଶରେ ସେ ଉପସ୍ଥିତ ହଜାର ହଜାର ଜନ ସାଧାରଣଙ୍କୁ ସମ୍ବୋଧିତ କରିଥିଲେ । ରାଜ୍ୟରେ ବିଜେଡ଼ି ସରକାର ଦୁର୍ନୀତିରେ ଉବୁଟୁବୁ ହେଉଥିବା ବେଳେ ରାଜ୍ୟକୁ ରାମ ରାଜ୍ୟରେ ପରିଣତ କରିବାକୁ ହେଲେ ବିଜେପିକୁ ଭୋଟ ଦେଇ ସରକାର ଗଢ଼ିବାର ସୁଯୋଗ ଦେବାକୁ ଲୋକ ମାନଙ୍କୁ ଅନୁରୋଧ କରିଥିଲେ । ଓଡ଼ିଶାକୁ ରାମ ରାଜ୍ୟରେ ପରିଣତ କରିବାକୁ ହେଲେ ପରିବର୍ତ୍ତନ ସହ ବିଜେପିକୁ ଭୋଟ ଦେଇ ଆଗାମୀ ନିର୍ବାଚନରେ କେନ୍ଦୁଝର ବିଜେପି ସାଂସଦ ପ୍ରାର୍ଥୀ ଅନନ୍ତ ନାଏକ, ଚମ୍ପୁଆ ବିଧାୟକ ପ୍ରାର୍ଥୀ ମୂରଲୀ ମନୋହର ଶର୍ମାଙ୍କୁ ଭୋଟ ଦେବାକୁ ଉପସ୍ଥିତ ଜନସାଧାରଣଙ୍କୁ ନିବେଦନ କରିଛନ୍ତି । ଏହି ଅବସରରେ ଛତିଶଗଡ ରାଜ୍ୟ ସଭା ସାଂସଦ ଅରୁଣ ଦୁବେ କେନ୍ଦୁଝର ସାଂସଦ ପ୍ରାର୍ଥୀ ଅନନ୍ତ ନାଏକ, ଚମ୍ପୁଆ ବିଧାୟକ ପ୍ରାର୍ଥୀ ମୂରଲୀ ମନୋହର ଶର୍ମା ପ୍ରମୁଖ ଉପସ୍ଥିତ ଥିଲେ । କାର୍ଯ୍ୟକ୍ରମଟିକୁ ବିଜେପି ରାଜ୍ୟ ଉପ ସଭାପତି ପ୍ରକାଶ ମଲ୍ଲିକ ପରିଚାଳନା କରିଥିଲେ । ଦିନ ୧୨ଟା ସମୟରେ ହେଲିକପ୍ଟର ଯୋଗେ ରାମଲା ଠାରେ ଶ୍ରୀ ଗୋଭିଲ ଅବତରଣ କରିବା ପରେ ସେଠାରୁ କାର ଯୋଗେ ସ୍ଥାନୀୟ ନେହେରୁ ଷ୍ଟାଡିୟମ ସ୍ଥିତ ସଭାସ୍ଥଳରେ ପହଞ୍ଚି ଆୟୋଜିତ ବିଜୟ ସଂକଳ୍ପ ସମାବେଶରେ ଯୋଗ ଦେଇଥିଲେ ।
