ନୂଆଦିଲ୍ଲୀ, ଲୋକସଭା ନିର୍ବାଚନ 2024 ର ସପ୍ତମ ପର୍ଯ୍ୟାୟରେ 08 ରାଜ୍ୟ/ କେନ୍ଦ୍ରଶାସିତ ଅଞ୍ଚଳରେ 904 ପ୍ରାର୍ଥୀ ନିର୍ବାଚନରେ ପ୍ରତିଦ୍ୱନ୍ଦିତା କରିବେ । 01 ଜୁନ୍ 2024 ରେ ନିର୍ବାଚନ ହେବାକୁ ଯାଉଛି। ଲୋକସଭା ନିର୍ବାଚନ 2024ର ସପ୍ତମ ପର୍ଯ୍ୟାୟରେ ହେବାକୁ ଥିବା ନିର୍ବାଚନ ପାଇଁ 08 ରାଜ୍ୟ/ କେନ୍ଦ୍ରଶାସିତ ଅଞ୍ଚଳର 57 ସଂସଦୀୟ କ୍ଷେତ୍ର ପାଇଁ ମୋଟ୍ 2105 ନାମାଙ୍କନ ପତ୍ର ଦାଖଲ କରାଯାଇଥିଲା। ସମସ୍ତ 08 ରାଜ୍ୟ/ କେନ୍ଦ୍ରଶାସିତ ଅଞ୍ଚଳ ପାଇଁ ପର୍ଯ୍ୟାୟ 7 ନିମନ୍ତେ ନାମାଙ୍କନ ପତ୍ର ଦାଖଲ କରିବାର ଅନ୍ତିମ ତାରିଖ 14 ମେ 2024 ରହିଥିଲା। ଦାଖଲ କରାଯାଇଥିବା ସମସ୍ତ ନାମାଙ୍କନର ଯାଞ୍ଚ ପରେ 954 ନାମାଙ୍କନ ବୈଧ ବିବେଚିତ ହୋଇଛି।
ପର୍ଯ୍ୟାୟ 7 ରେ ପଞ୍ଜାବରେ 13 ସଂସଦୀୟ ନିର୍ବାଚନ କ୍ଷେତ୍ରରୁ ସର୍ବାଧିକ 598 ନାମାଙ୍କନ ଫର୍ମ ରହିଥିଲା, ଏହାପରେ ଉତ୍ତର ପ୍ରଦେଶରେ 13 ନିର୍ବାଚନ କ୍ଷେତ୍ରରୁ 495 ନାମାଙ୍କନ ରହିଥିଲା। ବିହାରର 36 ଜାହାନାବାଦ ନିର୍ବାଚନ କ୍ଷେତ୍ରରୁ ସର୍ବାଧିକ 73 ନାମାଙ୍କନ ପତ୍ର ମିଳିଛି, ଏହାପରେ ପଞ୍ଜାବର 7- ଲୁଧିୟାନା ସଂସଦୀୟ କ୍ଷେତରୁ 70 ନାମାଙ୍କନ ପତ୍ର ପ୍ରାପ୍ତ ହୋଇଛି। 7ମ ପର୍ଯ୍ୟାୟ ପାଇଁ ଏକ ସଂସଦୀୟ କ୍ଷେତ୍ରରେ ନିର୍ବାଚନ ଲଢ଼ୁଥିବା ପ୍ରାର୍ଥୀଙ୍କ ହାରାହାରି ସଂଖ୍ୟା 16 ଅଟେ।
