ନୂଆଦିଲ୍ଲୀ,ନୂଆଦିଲ୍ଲୀ ଲୋକସଭା ଆସନରୁ ଭାରତୀୟ ଜନତା ପାର୍ଟି (ଭାଜପା)ର ପ୍ରାର୍ଥୀ ବାଂସୁରୀ ସ୍ଵରାଜ ଏବଂ ଚାନ୍ଦିନ ଚୌକ ଆସନରୁ ଦଳୀୟ ପ୍ରାର୍ଥୀ ପ୍ରବୀଣ ଖଣ୍ଡେଲବାଲ ଆଜି କର୍ନାଟ ପ୍ଲେସ ସ୍ଥିତ ହନୁମାନ ମନ୍ଦିରରେ ପହଂଚି ପୂଜାର୍ଚ୍ଚନା କରିଛନ୍ତି । ଏଥିସହ ନିର୍ବାଚନରେ ବିଜୟ ନେଇ ଆର୍ଶିବାଦ ଭିକ୍ଷା କରିଛନ୍ତି ।
ଏହି ସମୟରେ ଗଣମାଧ୍ୟମ ପ୍ରତିନିଧି ମାନଙ୍କ ସହିତ କଥାବାର୍ତା ବେଳେ ବାଂସୁରୀ ସ୍ଵରାଜ କହିଛନ୍ତି ଯେ, ସେ ଆଜିକୁ ୭୮ ଦିନ ହେଲାଣି ନିଜ ସପକ୍ଷରେ ନିର୍ବାଚନ ପ୍ରଚାର କରୁଛନ୍ତି । ନିର୍ବାଚନ ପ୍ରଚାର ବେଳେ ଲୋକଙ୍କ ଠାରୁ ମିଳିଥିବା ଭଲ ପାଇବା ଓ ଆର୍ଶିବାଦ ନେଇ ସେ କୃତଜ୍ଞତା ଜ୍ଞାପନ କରିଛନ୍ତି । ସେ ଆହୁରି ମଧ୍ୟ କହିଥିଲେ ଯେ, ଭଗବାନ ହନୁମାନ ଆର୍ଶିବାଦରୁ ସେ ଏ ଲଢ଼େଇରେ ନିଶ୍ଚିୟ ବିଜୟ ଲାଭ କରିବେ । ଦିଲ୍ଲୀର ଜନସାଧାରଣ ୭ଟି ଯାକ ଆସନ ଭାଜପାକୁ ଦେବେ ।
