ଗଞ୍ଜାମ, ଆଜି ଦ୍ଵିତୀୟ ପର୍ଯ୍ୟାୟ ନିର୍ବାଚନ ପାଇଁ ଭୋଟ୍ ଗ୍ରହଣ ଜାରି ରହିଛି । ଗଞ୍ଜାମ ଜିଲ୍ଲା ଭଞ୍ଜନଗର ନିର୍ବାଚନ ମଣ୍ଡଳିରେ ନିର୍ବାଚନୀ ହିଂସା ଦେଖିବାକୁ ମିଳିଛି । ତୁରୁମ୍ ପଂଚାୟତ ଅନ୍ତର୍ଗତ ବେରୁଆଁବାଡି ଗ୍ରାମର ୪୭ ନମ୍ବର ବୁଥ୍ ରେ ଉତେଜନା ପ୍ରକାଶ ପାଇଛି । ବୁଥ୍ ଭିତରେ ବିଜେଡ଼ି କର୍ମୀଙ୍କ ଗୁଣ୍ଡାଗର୍ଦି ଓ ଆତଙ୍କରାଜ ଦେଖିବାକୁ ମିଳିଛି । ବୁଥ୍ ଭିତରେ ବିଜେଡ଼ି କର୍ମୀ ରିଗିଂ ଉଦ୍ୟମ କରୁଥିବା ଅଭିଯୋଗ ହୋଇଛି । ବିଜେପି କର୍ମୀ ମାନେ ସେମାନଙ୍କୁ ଅଟକାଇବା ବେଳେ ସେଠାରେ ହାତାହାତି, ଧସ୍ତାଧସ୍ତି ଭଳି ପରିସ୍ଥିତି ସୃଷ୍ଟି ହୋଇଛି । ଖବର ପାଇ ତାରାସିଂ ପୋଲିସ ସେଠାରେ ପହଂଚି ସ୍ଥିତିକୁ ନିୟନ୍ତ୍ରଣ କରିଥିବା ସୂଚନା ମିଳିଛି ।
