ହାପୁଡ, ଉତ୍ତର ପ୍ରଦେଶର ହାପୁଡ ଜିଲ୍ଲାରେ ସୋମବାର ବିଳମ୍ବିତ ରାତିରେ ଏକ କାର ଭାରସାମ୍ୟ ହରାଇ ଡିଭାଇଡରରେ ପିଟି ହେବା ପରେ ବିପରୀତ ଦିଗରୁ ଆସୁଥିବା ଏକ ଟ୍ରକ ସହ ଧକ୍କା ହୋଇଥିଲା । ଦୁର୍ଘଟଣାରେ 6ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି । ଦୀର୍ଘ ସମୟ ପରିଶ୍ରମ ପରେ ପୋଲିସ କାର ଭିତରୁ ମୃତଦେହ ଉଦ୍ଧାର କରିଛି ।
ପୋଲିସ ସୂଚନା ମୁତାବକ ମୃତକଙ୍କ ଚିହ୍ନଟ କରାଯାଇଛି, ସେମାନେ ଗାଜିଆବାଦର ବାସିନ୍ଦା । ଅନ୍ୟପଟେ ଆହତ ଜଣକ ମେରଠର ବାସିନ୍ଦା ଏବଂ ତାଙ୍କ ଅବସ୍ଥା ଗୁରୁତର ରହିଥିବାରୁ ତାଙ୍କୁ ମେରଠ ରେଫର କରାଯାଇଛି ।
