ବଲାଙ୍ଗିର,ବଲାଙ୍ଗିର ଜିଲ୍ଲା ସଂସ୍କୃତ ପରିଷଦ ଆନୁକୂଲ୍ୟରେ ସ୍ଥାନୀୟ ନରସିଂହ ମନ୍ଦିର ପରିସରରେ ଜଗଦ୍ଗୁରୁ ଆଦି ଶଙ୍କରାଚାର୍ଯ୍ୟଙ୍କ ଜୟନ୍ତୀ ଗତକାଲି ସନ୍ଧ୍ୟାରେ ପାଳିତ ହୋଇଯାଇଛି । ଅନୁଷ୍ଠାନର ସଭାପତି ନୀଳମଣି ମିଶ୍ରଙ୍କ ଅଧ୍ୟକ୍ଷତାରେ ତଥା ସଂପାଦକ ଜୟରାମ ମିଶ୍ରଙ୍କ ଆହ୍ଵାନ କ୍ରମେ ସଭା କାର୍ଯ୍ୟ ଅନୁଷ୍ଠିତ ହୋଇଥିଲା । ପଣ୍ଡିତ ଶ୍ୟାମ ସୁନ୍ଦର ଦାଶ ମଙ୍ଗଳାଚରଣ ତଥା ଶାନ୍ତିପାଠ କରିଥିଲେ । ସଂପାଦକ ଶ୍ରୀ ମିଶ୍ର ଅତିଥି ପରିଚୟ ପ୍ରଦାନ କରିଥିଲେ ।
ଏହି କାର୍ଯ୍ୟକ୍ରମରେ ରାଜେନ୍ଦ୍ର ମହାବିଦ୍ୟାଳୟର ପୂର୍ବତନ ଅଧ୍ୟକ୍ଷ ସତ୍ୟବନ୍ତ ବେଦବାକ ମୁଖ୍ୟ ଅତିଥି ରୂପେ ଯୋଗଦେଇ ଜଗତଗୁରୁ ଆଦି ଶଙ୍କରାଚାର୍ଯ୍ୟଙ୍କ ଜିବନି ଉପରେ ଆଲୋକପାତ କରିଥିଲେ । ପ୍ରବଚକ ବଂଶୀଧର ଦାନି ଭାରତୀୟ ସଂସ୍କୃତି, ସଂସ୍କୃତ ଭାଷାର ଆବଶ୍ୟକତା ଓ ଶଙ୍କରାଚାର୍ଯ୍ୟ ମଠ ଉପରେ ଆଲୋଚନା କରିଥିଲେ । ଶେଷରେ ଶ୍ରୀ ଦାଶ ଙ୍କ ଶାନ୍ତିପାଠ ପରେ ଯୁଗ୍ମ ସଂପାଦକ ସଂକୀର୍ତ୍ତନ ତ୍ରିପାଠୀ ଉପସ୍ଥିତ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ । ଏହି କାର୍ଯ୍ୟକ୍ରମ ରେ ସଂସ୍କୃତ ପରିଷଦର ବନମାଳି ନନ୍ଦ ଙ୍କ ସହ ଅନେକ ସଭ୍ୟ ଉପସ୍ଥିତ ଥିଲେ ।
