ମାଲକାନଗିରି,ରାଜ୍ୟ ସ୍ତରୀୟ ଲୋକସଂଗଠନ ସମୂହ ଓଡିଶା ଶ୍ରମଜୀବି ମଞ୍ଚ ଓ ମହିଳା ଶ୍ରମଜୀବି ମଞ୍ଚ, ଓଡ଼ିଶାର ସଦସ୍ୟ ସଂଗଠନ ଭାବେ ସ୍ଥାନୀୟ ଲୋକସଂଗଠନ ଶ୍ରମଜୀବି ସଂଗଠନ ଓ ମହିଳା ଶ୍ରମଜୀବି ସଂଗଠନ, ମାଲକାନଗିରି ର ସମସ୍ତ ଆଦିବାସୀ, ଦଳିତ ଓ ପଛୁଆ ବର୍ଗର ବାସିନ୍ଦା ଗଣ ଆସନ୍ତା ତା ୧୩.୫.୨୦୨୪ ରିଖ ଦିନ ହେବାକୁ ଥିବା ସାଧାରଣ ନିର୍ବାଚନକୁ ଆଖି ଆଗରେ ରଖି ଜନ ଇସ୍ତାହାର ପ୍ରସ୍ତୁତ କରାଯାଇଛି। ଏଥିରେ ୧୭ ଗୋଟି ଜିଲ୍ଲାରେ ଥିବା ୨୦ ଗୋଟି ଲୋକସଂଗଠନ ଓଡ଼ିଶାର ୧୦୨ ଟି ବ୍ଲକ ଏବଂ ୧୧ଶହରୁ ଅଧିକ ଗ୍ରାମପଂଚାୟତ ମାଧ୍ୟମରେ ଲୋକମାନଙ୍କ ଜୀବନ ଧାରଣ ମାନରେ ଉନ୍ନତି ଆଣିବା ଲାଗି ୧୧ ହଜାରରୁ ଅଧିକ ଗ୍ରାମ ମାନଙ୍କରେ ପହଞ୍ଚି ସ୍ଥାନୀୟ ଲୋକମାନଙ୍କ ସମସ୍ୟା ଏବଂ ଆବଶ୍ୟକତାକୁ ଭିତିକରି ଜନ ଇସ୍ତାହାର ପ୍ରସ୍ତୁତ କରାଯାଇଛି। ପ୍ରସ୍ତୁତ ଇସ୍ତାହାରରେ ନିମ୍ନଲିଖିତ ବିଷୟବସ୍ତୁ ଗୁଡିକ ସ୍ଥାନ ପାଇଛି ଯଥା – ମନରେଗା, କୃଷି, ଖାଦ୍ୟ ନିରାପତ୍ତା, ଜଳ, ଶିକ୍ଷା, ସ୍ଵାସ୍ଥ୍ୟ, ଜନଜାତି, ଜଙ୍ଗଲ, ଜମି, ମହିଳା, ଦଳିତ, ସାମାଜିକ ସୁରକ୍ଷା, ପଂଚାୟତରାଜ, ଅଙ୍ଗନବାଡି, ଯୁବଗୋଷ୍ଠୀ, ତୃତୀୟ ଲିଙ୍ଗ, ଶିଶୁ ଏବଂ ମାନବ ଅଧିକାର ଏହିପରି ୧୮ ଗୋଟି ବିଷୟ ବସ୍ତୁରୁ ୨୪୧ ଗୋଟି ଦାବୀ ସମୂହ ଉଲ୍ଲେଖ କରାଯାଇଛି। ଚଳିତ ୨୦୨୪ ସାଧାରଣ ନିର୍ବାଚନରେ ଲୋକସଭା ଓ ବିଧାନସଭା ନିର୍ବାଚନ ମଣ୍ଡଳୀ ପାଇଁ ପ୍ରତିଦ୍ବନ୍ଦିତା କରୁଥିବା ସମସ୍ତ ରାଜନୈତିକ ଦଳ ଗୁଡିକର ଆଶାୟୀ ପାର୍ଥି ପାର୍ଥିନୀ ମାନଙ୍କୁ ଏହି ଜନ ଇସ୍ତାହାର ପୁସ୍ତକଟି ପ୍ରଦାନ କରିବା ସହିତ ସମ୍ମତି ପତ୍ରରେ ସ୍ଵାକ୍ଷର କରାଯାଇଛି। ଏହି ଜନ ଇସ୍ତାହାର ଏବଂ ସମ୍ମତି ପତ୍ର ବିଜେଡି, ବିଜେପି, କଂଗ୍ରେସ, ବହୁଜନ ସମାଜ ପାର୍ଟି ଏବଂ ଅନ୍ୟାନ୍ୟ ପାର୍ଟି ମାନଙ୍କର ଆଶାୟୀ ପ୍ରାର୍ଥୀ ପ୍ରାର୍ଥୀନୀ ମାନଙ୍କ ମଧ୍ୟରୁ ପାର୍ଥୀ ମାନସ ମାଡ଼କାମୀ, ମାଲା ମାଢି, ଡମ୍ବରୁ ଶିଶା, ମଙ୍ଗୁ ଖିଲ, ରାଜେନ୍ଦ୍ର ପଲାସୀ, ଘେନୁ ମୁଦୁଲି, ପଦିଆ ମାଡ଼କାମୀ, ନରସିଂ ମାଡ଼କାମୀ, ଲକ୍ଷ୍ମୀ ପ୍ରିୟା ନାୟକ ଏବଂ ସାଂସଦ ପାର୍ଥୀ ଭୁଜବଳ ମାଝୀ ପ୍ରମୁଖଙ୍କୁ ବର୍ତ୍ତମାନ ସୁଦ୍ଧା ପ୍ରଦାନ କରାଯାଇଛି। ତତସହିତ ସାମ୍ବାଦିକ , ସ୍ବେଛାସେବୀ ଅନୁଷ୍ଠାନ, ବୁଦ୍ଧିଜୀବୀ ମାନଙ୍କୁ ମଧ୍ୟ ଏହି ଇସ୍ତାହାର ପୁସ୍ତକ ପ୍ରଦାନ କରାଯାଇଛି।
ଉକ୍ତ ଜନ ଇସ୍ତାହାର ପ୍ରଦାନ କାର୍ଯ୍ୟକ୍ରମରେ ଶ୍ରମଜୀବୀ ଓ ମହିଳା ଶ୍ରମଜୀବୀ ସଂଗଠନ ର ସଦସ୍ୟ ସଦସ୍ୟା ମାନଙ୍କ ସମେତ ସଂଗଠନର କର୍ମକର୍ତ୍ତା ଯେପରି ମୁକୁନ୍ଦ ମାଡ଼କାମୀ, ରାମ ବଡ଼ନାୟକ, ସୀତାରାମ ଦୁରୁଆ, ମଦନ ହନ୍ତାଳ, ଗୋବର୍ଦ୍ଧନ ପାଙ୍ଗି, ତ୍ରିନାଥ ବଡ଼ନାୟକ, ଦଇନା ମାଡ଼କାମୀ, ସାଲିନା ପାଙ୍ଗି, ଶୁଭଶ୍ରୀ ମାଢି, ଜିତେନ୍ଦ୍ର ଖିଲ, ଗୌରାଙ୍ଗ ଅଧିକାରୀ, ରାଜେନ୍ଦ୍ର ମାଡକାମୀ, ଚିତ୍ତରଞ୍ଜନ ସାହୁ, ବଟକୃଷ୍ଣ ସାହୁ ପ୍ରମୁଖ ଉପସ୍ଥିତ ରହିଥିଲେ।
