ଭୁବନେଶ୍ୱର– ମୁଖ୍ୟ ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟ ପରିସରରେ ମିଡ଼ିଆ ସେଂଟର ବୁଧବାର ପୂର୍ବାହ୍ନରେ ଉଦ୍ଘାଟିତ ହୋଇଯାଇଛି । ଅତିରିକ୍ତ ମୁଖ୍ୟ ଶାସନ ସଚିବ ତଥା ମୁଖ୍ୟ ନିର୍ବାଚନ ଅଧିକାରୀ ନିକୁଞ୍ଜ ବିହାରୀ ଧଳ ଉକ୍ତ ମିଡ଼ିଆ ସେଂଟରକୁ ଉଦ୍ଘାଟନ କରିଥିଲେ । ଅତିରିକ୍ତ ମୁଖ୍ୟ ନିର୍ବାଚନ ଅଧିକାରୀ ଡ. ତିରୁମାଲା ନାୟକ, ଅତିରିକ୍ତ ମୁଖ୍ୟ ନିର୍ବାଚନ ଅଧିକାରୀ ଶତ୍ରୁଘ୍ନ କର, ଅତିରିକ୍ତ ମୁଖ୍ୟ ନିର୍ବାଚନ ଅଧିକାରୀ ମିହିର ପ୍ରସାଦ ମହାନ୍ତିଙ୍କ ସମେତ ସମସ୍ତ ଅଧିକାରୀ/କର୍ମଚାରୀ ଏହି ଉଦ୍ଘାଟନ କାର୍ଯ୍ୟକ୍ରମରେ ଉପସ୍ଥିତ ଥିଲେ ।
ଏହି ଅବସରରେ ନିର୍ବାଚନ ସୁପରିଚାଳନରେ ଗଣମାଧ୍ୟମକୁ ଏକ ଗୁରୁତ୍ୱପୂର୍ଣ୍ଣ ସହଭାଗୀ ରୂପେ ଅଭିହିତ କରିବା ସହ ଏହି ନୂତନ ମିଡ଼ିଆ ସେଂଟର ସାମ୍ବାଦିକ ସମ୍ମିଳନୀ ପାଇଁ ଏକ ଉନ୍ନତ ମାନର ସ୍ଥାନ ରୂପେ ନିର୍ମିତ ହୋଇଅଛି ଏବଂ ଏହି ମିଡ଼ିଆ ସେଂଟରକୁ ଭବିଷ୍ୟତରେ ମଧ୍ୟ ନିର୍ବାଚନ ପରିଚାଳନା ପାଇଁ ଏକ ସମ୍ପଦ ରୂପେ ବର୍ଣ୍ଣନା କରିବା ସହିତ ମୁକ୍ତ, ଅବାଧ ଓ ନିରପେକ୍ଷ ନିର୍ବାଚନ ପରିଚାଳନାରେ ବିଶେଷ ସହାୟ ହେବ ବୋଲି ମୁଖ୍ୟ ନିର୍ବାଚନ ଅଧିକାରୀ ମତପ୍ରକାଶ କରିଥିଲେ ।
