ରାଜୌରୀ,ରାଜୌରୀ ଜିଲ୍ଲାର କାଲାକୋଟ ଉପଜିଲ୍ଲାର ସାଡ୍ଡା ଓ କଂଥୋଲ ଅଂଚଳରେ ପୁଣି ଥରେ ଆତଙ୍କବାଦୀ ଦେଖାଯିବାର ସୂଚନା ମିଳିବା ପରେ ସୁରକ୍ଷାବଳ ଅଂଚଳର ଘେରାବନ୍ଦୀ କରି ତଲାସୀ ଅଭିଯାନ ଚଳାଇଛନ୍ତି ।
ସ୍ଥାନୀୟ ଲୋକଙ୍କ ଅନୁସାରେ ସେମାନେ କିଛି ବନ୍ଧୁକଧାରୀଙ୍କୁ ସାଡ୍ଡା ଓ କଂଥୋଲ ଅଂଚଳରେ ବୁଲୁଥିବାର ଦେଖିଥିଲେ, ଯାହାର ସୂଚନା ସେନାକୁ ଦିଆଯାଇଛି । ସେନା ପୋଲିସ ଓ ସିଆରପିଏଫ ସହିତ ମିଳିତ ଭାବେ ଉଭୟ ଅଂଚଳର ଘେରାବନ୍ଦୀ କରି ତଲାସୀ ଅଭିଯାନ ଚଳାଇଛି । ରାଜୌରୀର ଅନ୍ୟ ଅଂଚଳ ଅଡଗୀ, ଡଣା, ଦଲହୋଡି, ଥନ୍ନାମଂଡିରେ ବି ତଲାସୀ ଅଭିଯାନ ଜାରି ରହିଛି ।
