ଉତ୍ତରାଖଣ୍ଡରେ ଜଙ୍ଗଲ ନିଆଁ ଅନିୟନ୍ତ୍ରିତ

• ଅପରେସନରେ ଅଗ୍ନିପଥ, ଏମଆଇ-17 ହେଲିକପ୍ଟର ନିୟୋଜିତ

ଡେରାଡୁନ, ଉତ୍ତରାଖଣ୍ଡର ଜଙ୍ଗଲରେ ଏବେ ନିଆଁ ଭୀଷଣ ରୂପ ଧାରଣ କରିଛି । ସ୍ଥିତି ଏଭଳି ହୋଇଛି ଯେ, ନିଆଁ ଲିଭାଇବା ପାଇଁ ବାୟୁସେନାର ସହାୟତା ନିଆଁଯାଇଛି । ଏଭଳି ପରିସ୍ଥିତିରେ ଏବେ ଅପରେସନ ଅଗ୍ନିପଥ ବନାଗ୍ନିକୁ ନିୟନ୍ତ୍ରିତ କରିବ । ବୁଧବାର ପୌଡି ଆଖପାଖ ଅଂଚଳରେ ଲାଗିଥିବା ନିଆଁକୁ ଲିଭାଇବା ପାଇଁ ଭାରତୀୟ ବାୟୁସେନାର ଏମଆଇ-17 ହେଲିକପ୍ଟର ଉଡାଣ ଭରିଛି । ବାୟୁସେନା ଉତ୍ତରାଖଣ୍ଡ ବେସାମରିକ ବିମାନ ଚଳାଚଳ ବିକାଶ ପ୍ରାଧିକରଣ ଶ୍ରୀନଗରରୁ ପୌଡିର ଜଙ୍ଗଲରେ ନିଆଁ ଲିଭାଇବାର ଦାୟିତ୍ୱ ନେଇଛି ।