ମୁମ୍ବାଇ, ଫିଲ୍ମ ଅଭିନେତା ସଲମାନ ଖାନଙ୍କ ବାନ୍ଦ୍ରା ସ୍ଥିତ ଗ୍ୟାଲେକ୍ସି ଆପାର୍ଟମେଂଟ ବାହାରେ ଘଟିଯାଇଥିବା ଗୁଳିକାଣ୍ଡ ମାମଲାରେ ମହାରାଷ୍ଟ୍ର ପୋଲିସ ମଙ୍ଗଳବାର ରାଜସ୍ଥାନରୁ ପଂଚମ ଅଭିଯୁକ୍ତକୁ ଗିରଫ କରିଛି ।
ମହାରାଷ୍ଟ୍ର ପୋଲିସ ସୂତ୍ରରୁ ପ୍ରାପ୍ତ ସୂଚନା ଅନୁସାରେ, ଆଇନଗତ ପ୍ରକ୍ରିୟା ସମ୍ପୂର୍ଣ୍ଣ ହେବା ପରେ ଧରାପଡିଥିବା ଅଭିଯୁକ୍ତ ମହମ୍ମଦ ଚୌଧୁରୀକୁ ମୁମ୍ବାଇ ଅଣାଯାଇ କୋର୍ଟରେ ହାଜର କରାଯିବ । ମହମ୍ମଦ ଚୌଧୁରୀ ଗତ ଅପ୍ରେଲ ୧୪ ତାରିଖ ଗ୍ୟାଲେକ୍ସି ଆପାର୍ଟମେଂଟକୁ ଗୁଳି ଚଳାଇବା ଘଟଣାରେ ଦୁଇ ଜଣ ସୁଟର୍ ଙ୍କୁ ସହାୟତା କରିଥିଲା । ଦୁଇ ସୁଟର୍ ଙ୍କୁ ପୋଲିସ ପୂର୍ବରୁ ଗିରଫ କରିଛି । ବର୍ତମାନ ସୁଦ୍ଧା ତଦନ୍ତରୁ ଜଣାପଡିଛି ଯେ, ପଂଚମ ଅଭିଯୁକ୍ତ ମହମ୍ମଦ ଚୌଧୁରୀ ଦୁଇ ସୁଟରଙ୍କୁ ଅପରାଧସ୍ଥଳର ରେକି କରିବାରେ ସହାୟତା କରିଥିଲା ଏବଂ ସେମାନଙ୍କୁ ଟଙ୍କା ଦେଇଥିଲା ।
