ଟ୍ରାକଟର ହଳ ବଳଦ ଶଗଡ ଗାଡି ରେ ଆସି ଉଚ୍ଚ ଶିକ୍ଷିତା ସ୍ଵାଧୀନ ପ୍ରାର୍ଥିନୀ ସୋନାଲି ବିଶି ନାମାଙ୍କନ ପତ୍ର ଦାଖଲ କଲେ

• ନବନିର୍ମାଣ କୃଷକ ସଂଗଠନ ସମର୍ଥିତ

ସୁବର୍ଣ୍ଣପୁର , ସ୍ଥାନୀୟ ରୟାଲ ପଡିଆ ଠାରୁ ଏକ ବିଶାଳ ଶୋଭାଯାତ୍ରାରେ ହଳ ବଳଦ ଶଗଡ଼ ଗାଡ଼ିରେ ବାହାରି ଉପଜିଲ୍ଲାପାଳ ଙ୍କ ଠାରେ ସୋନପୁର ବିଧାନସଭା ନିର୍ବାଚନ ପାଇଁ ପ୍ରାର୍ଥୀପତ୍ର ଦାଖଲ କରିଛନ୍ତି ନବନିର୍ମାଣ କୃଷକ ସଂଗଠନ ସମର୍ଥିତ ଉଚ୍ଚ ଶିକ୍ଷିତା ମହିଳା ସ୍ଵାଧୀନ ପ୍ରାର୍ଥିନୀ ଇଂ ସୋନାଲି ବିଶି l ତାଙ୍କର ଏହି ଶୋଭାଯାତ୍ରାରେ ସ୍ଵତଃ ପ୍ରଥଃ ଭାବେ ଚାଷୀ ପ୍ରତିନିଧି ମାନେ ହଳ ବଳଦ ଶଗଡ ଗାଡ଼ିରେ ଆସି ଏଥିରେ ସାମିଲ ଥିବା ଦେଖାଯାଇଥିଲା। ସୋନାଲି ତାଙ୍କର ନିର୍ବାଚନ ପ୍ରଚାର କେବେ ନିଜେ ଟ୍ରାକ୍ଟର ଚଳାଇ ଟ୍ରାକ୍ଟର ରାଲି କରିଥିବାବେଳେ କେବେ ଘରକୁ ଘର ବୁଲି ପ୍ରତ୍ୟହ ଭୋଟ ଭିକ୍ଷା ସହ ନିର୍ବାଚନୀ ଖର୍ଚ୍ଚ ପାଇଁ ଚାଉଳ ଓ କିଛି ଅର୍ଥ ଭିକ୍ଷା ମଧ୍ୟ କରୁଛନ୍ତି । ତାଙ୍କର ପ୍ରଚାର ଶୈଳୀରେ ସଦାବେଳେ କିଛିନା କିଛି ସ୍ଵତନ୍ତ୍ରତା ବଜାୟ ରଖି ଆସୁ ଥିବାବେଳେ ର ଏହି ଶୋଭାଯାତ୍ରାରେ ହଳ ବଳଦ ଶଗଡ ଗାଡି ସହ ଚାଷୀଙ୍କ ଗହଣରେ ଜୟ କିଶାନ ଜୟ କୋଶଳ ନାରା ସହର ବାସୀ ଙ୍କ ମଧ୍ୟରେ ଖୁବ୍ ଗ୍ରହଣୀୟ ହୋଇଥିବା ପରିଲକ୍ଷିତ ହୋଇଛି। ଓ ସୋନପୁର ରେ ଦୀର୍ଘ 24 ବର୍ଷ ପରେ ବିଜେଡି ପ୍ରାର୍ଥୀ ମନ୍ତ୍ରୀ ନିରଞ୍ଜନ ପୂଜାରୀ ଙ୍କ ଵିରୁଦ୍ଧ ରେ ପ୍ରଥମ ଥର ଜଣେ ଉଚ୍ଚ ଶିକ୍ଷିତା ମହିଳା ପ୍ରାର୍ଥୀ ସ୍ଵର ଉତ୍ତୋଳନ କରିବା, ଚାଷୀ ଙ୍କ ସମସ୍ୟା ପ୍ରସଙ୍ଗ ଓ ଉପସ୍ଥିତି କୁ ଜାହିର କରିବା ନେଇ ସ୍ଵାଧୀନ ପ୍ରାର୍ଥୀ ଭାବେ ନିର୍ବାଚନ ମଇଦାନ ରେ ଓହ୍ଲାଇବା ବିଷୟ ଜିଲ୍ଲା ବାସୀ ଙ୍କ ହୃଦ୍ କମ୍ପନ ସୃଷ୍ଟି କରିଛି, ଲୋକ ଙ୍କ ଉତ୍କଣ୍ଠା ବଢ଼ିଛି, ଓ ଏହା ସାରା ରାଜ୍ୟ ରେ ଏବେ ଚର୍ଚ୍ଚା ର ବିଷୟ ପାଲଟିଛି l ଶଗଡ ଗାଡି ହଳ ବଳଦ ଗାଡି ରେ ପାରମ୍ପରିକ ଢୋଲ ବାଦ୍ୟ ଓ ଚାଷୀ ସମର୍ଥକ ଙ୍କ ସହିତ ଏକ ନିରାଡ଼ମ୍ବର ଓ ପ୍ରଦୂଷଣ ମୁକ୍ତ ଶୋଭାଯାତ୍ରା ରେ ଆସି ନିଜର ପ୍ରାର୍ଥୀ ପତ୍ର ଦାଖଲ କରିଛନ୍ତି ସୋନାଲି l ସହର ବାସୀ ଙ୍କୁ ହାତ ଯୋଡି ହସି ହସି ସମ୍ମାନ ଓ ନମ୍ରତା ର ସହିତ ଭୋଟ ଭିକ୍ଷା କରିଛନ୍ତି ଏବଂ ନାରୀ ଶକ୍ତି ପାଇଁ ଜିଲ୍ଲା ପାଇଁ ଏକ ଉଦାହରଣ ପାଲଟିଛନ୍ତି lଯାହାକି ଆଜି ଜିଲ୍ଲା ର ସବୁ ବର୍ଗ ର ଲୋକେ ସୋନାଲି ଙ୍କ ସାହାସ କୁ ପଦକ୍ଷେପ କୁ ସ୍ଵାଗତ କରିଛନ୍ତି l ଏବଂ ସ୍ବତଃ ପ୍ରତଃ ଭାବେ ସବୁ ସ୍ତର ରେ ସହଯୋଗ ପାଇଁ ପ୍ରତିଶୁତି ଦେଇଛନ୍ତି l କେବଳ ଏତିକି ନୁହେଁ ନାମାଙ୍କନ ପତ୍ର ଦାଖଲ ପରେ ବାପୁଜୀ କ୍ଲବ ରେ ତାଙ୍କ ଚାଷୀ ସମର୍ଥକ ଙ୍କ ପାଇଁ ଦହି ପଣା ଓ ରନ୍ଧା ଖାଦ୍ୟ ବାଣ୍ଟି ଛନ୍ତି ନିଜେ ଓ ଫୁଲ ରେ ସୁସଜ୍ଜିତ ଶଗଡ ଗାଡି ର ବଳଦ ମାନଙ୍କ ପାଇଁ ତସୁ କୁଣ୍ଡା ମହୁଲ ପାଳ ସୁସ୍ୱାଦୁ ଖାଦ୍ୟ ଖାଇବାକୁ ଦେଇଥିଲେ l ବଳଦ ଗାଡି ର ବାହକ ବା ସଂଚାଳକ ଙ୍କ ପାଇଁ ନୂଆଁ ବସ୍ତ୍ର ପରିଧାନ ର ବ୍ୟବସ୍ଥା କୁ ବି ଭୁଲି ନ ଥିଲେ ସୋନାଲି l ଚାଷୀ ନେତା ପ୍ରଦ୍ୟୁମ୍ନ ପାଢ଼ୀ, ନରେନ୍ଦ୍ର ଆଚାର୍ଯ୍ୟ, ବୈକୁଣ୍ଠ ଶତପଥି, ରାଜେନ୍ଦ୍ର ମିଶ୍ର, ରାଜେନ୍ଦ୍ର ପଧାନ, ପ୍ରଦୀପ ସ୍ୱାଇଁ ପ୍ରମୁଖ ବହୁ ଚାଷୀ ନେତା ଏହି ନିଆରା ଶୋଭାଯାତ୍ରା ରେ ସାମିଲ ଥିଲେ l ବଲାଙ୍ଗିର ରେ ଜନ୍ମ ଗ୍ରହଣ ଓ ଶିକ୍ଷା ଲାଭ କରିଥିବା ଡିପ୍ଲୋମା ଇଞ୍ଜିନିୟର ସୋନାଲି ହେଉଛନ୍ତି ସେ ଅଞ୍ଚଳ ର ବିଶିଷ୍ଟ ସମାଜସେଵୀ ଶ୍ରୀକର ମିଶ୍ର ଙ୍କ ଝିଆରୀ ଓ ସୁବର୍ଣ୍ଣପୁର ଜିଲ୍ଲା ବିଶିପଡ଼ା ଗାଁ ର ମଧ୍ୟବିତ୍ତ ପରିବାର ଚାଷୀ ବଲି ବିଶି ଙ୍କ ବହୂ ଅଟନ୍ତି l ସ୍ବାମୀ ଚନ୍ଦନ ବିଶି ମଧ୍ଯ ଜଣେ ଡିପ୍ଲୋମା ଇଞ୍ଜିନିୟର ଅଟନ୍ତି l ସ୍ବାମୀ, ଶ୍ଵଶୁର, କାକା ଙ୍କ ସମେତ ନବ ନିର୍ମାଣ କୃଷକ ସଂଗଠନ ର ସମସ୍ତ ନେତ୍ରୁ ମଣ୍ଡଳୀ ଓ ଚାଷୀ ଙ୍କ ପରାମର୍ଶ ନେଇ ସ୍ବାଧିନ ପ୍ରାର୍ଥୀ ସୋନାଲି ବିଶି ନିର୍ବାଚନ ପ୍ରଚାର ମଇଦାନ କୁ ଓହ୍ଲାଇ ଥିବା ଓ ଅଶି ଭାଗ ଚାଷୀ ଥିବା ଚାଷୀ ଙ୍କ ହକ ପାଇଁ ଓଡ଼ିଶାରେ ଆଗମୀ ଦିନ ରେ ଗୋଟେ ଚାଷୀ ସରକାର ଗଠନ କରିବା ଲକ୍ଷ୍ୟ ନେଇ ସଂଘର୍ଷ ଜାରି ରହିବ ବୋଲି ସେ ମିଡିଆ ଙ୍କୁ ସୁଚନା ଦେଇଛନ୍ତି l