ପାଟଣା, ବିହାରରେ ସାଧାରଣ ନିର୍ବାଚନର ତୃତୀୟ ପର୍ଯ୍ୟାୟ ପାଇଁ ମେ 7 ତାରିଖରେ ମତଦାନ ହେବ । ଆଜି ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ପ୍ରଚାର ପାଇଁ ବିହାର ଆସୁଛନ୍ତି । ନଡ୍ଡା ମୁଜାଫରପୁର ଓ ଅରରିୟାରେ ନିର୍ବାଚନୀ ଜନସଭାରେ ସାମିଲ ହେବେ ।
ଜେପି ନଡ୍ଡା ସକାଳ 11.20 ମିନିଟ ସମୟରେ ହେଲିକପ୍ଟରରୁ ପୂର୍ଣ୍ଣିୟା ଏୟାରପୋର୍ଟରେ ପହଂଚିବେ । 11.55 ମିନିଟ ସମୟରେ ସେ ଅରରିୟାରେ ପହଂଚିବେ । ସେ ଅରରିୟାର ଧର୍ମଗଂଜ ମେଳା ମୈଦାନ, ସିକଟିରେ ଏନଡିଏ ପ୍ରାର୍ଥୀ ପ୍ରଦୀପ ସିଂହଙ୍କ ସପକ୍ଷରେ ନିର୍ବାଚନୀ ଜନସଭାକୁ ସଂବୋଧିତ କରିବେ । ଏହାପରେ 1.50 ମିନିଟ ସମୟରେ ମୁଜାଫରପୁରରେ ପହଂଚିବେ ।ମୁଜାଫରପୁରର କେରମା ଷ୍ଟାଡିୟମରେ ନିର୍ବାଚନୀ ଜନସଭାକୁ ଜେପି ନଡ୍ଡା ସମ୍ବୋଧିତ କରିବେ ଏବଂ ବିଜେପି ପ୍ରାର୍ଥୀଙ୍କ ସପକ୍ଷରେ ସେଠାରେ ଭୋଟ ମାଗିବେ ।
ବିଜେପିର ଷ୍ଟାର ପ୍ରଚାରକ ତଥା ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ବି ଆଜି ବିହାର ଗସ୍ତ କରିବେ । ସେ ସାରଣ ଓ ସୁପୌଲରେ ନିର୍ବାଚନୀ ପ୍ରଚାର କରିବେ । ସାରଣରେ ରାଜୀବ ପ୍ରତାପ ରୁଡିଙ୍କ ନାମାଙ୍କନରେ ବି ସାମିଲ ହେବେ ।
