ଜୟପୁର, ଜୟପୁର ଅବକାରି ଗୋଇନ୍ଦା ବିଭାଗର ତରଫରୁ ଚଢଉ କରାଯାଇ ଜଣେ ଅଭିଯୁକ୍ତକୁ ଗିରଫ କରାଯାଇଛି । ଗିରଫ ଅଭିଯୁକ୍ତ ଜଣକ ହେଲା ପଦମ ଡୁମାରି । ଦଶମନ୍ତପୁର ହାଟକୁ ମହିନ୍ଦ୍ରା ମେକ୍ସ ଗାଡିରେ ମହୁଲି ମଦ ଓ ସଲପ ତାଡି ଚାଲାଣ ହେବାର ଖବର ପାଇ ଚଢଉ ହୋଇଛି । ହାଟରେ ମଦ୍ୟପଙ୍କ ଦୌରାତ୍ମ୍ୟ ଦିନକୁ ଦିନ ବଢିବାରେ ଲାଗିଛି । ଏହାଦ୍ଵାରା ଜନ ସାଧାରଣଙ୍କ ଅନୁରୋଧ କ୍ରମେ ଅବକାରି କମିଶନର, ଡେପୁଟି କମିଶନରଙ୍କ ନିର୍ଦ୍ଦେଶ କ୍ରମେ ଜୟପୁର ଗୋଇନ୍ଦା ବିଭାଗର ଓଆଇସି ରଶ୍ମି ରଞ୍ଜନ ନାୟକ ଏବଂ ଏଏସଆଇ କେ. ସିଏଚ ରେଡ୍ଡି କର୍ମଚାରି ମାନେ ଚଢଉ କରିଥିଲେ । ଚଢଉ କରି ମହିନ୍ଦ୍ରା ମେକ୍ସ ଗାଡିକୁ ଜବତ କରିଥିବା ବେଳେ ଅଭିଯୁକ୍ତ ପଦମ ଡୁମାରିକୁ ଗିରଫ କରିଛି । ଘଟଣାସ୍ଥଳରୁ ଶହେ ଲିଟର ଦେଶି ଚୋରା ମହୁଲି ମଦ, ୪ ଶହ ଲିଟର ସଲପ ତାଡି ଜବତ କରିଛି ।
