ଭୁବନେଶ୍ୱର, ଆଜି ନାମାଙ୍କନ ପତ୍ର ଦାଖଲ କରିବେ ବରଗଡ଼ ବିଜେପି ଲୋକସଭା ପ୍ରାର୍ଥୀ ପ୍ରଦୀପ ପୁରୋହିତ । ଦେବଦେବୀ ଓ ଗୁରୁଜନ ଆଶୀର୍ବାଦ ନେଇ ପାଇକମାଲରୁ ବରଗଡ଼ ଅଭିମୁଖେ ବାହାରିଛନ୍ତି ପ୍ରଦୀପ ପୁରୋହିତ । ବରଗଡ଼ ଲୋକମଣ୍ଡପରୁ ବିଶାଳ ଶୋଭାଯାତ୍ରାରେ ବାହାରି ଜିଲ୍ଲାପାଳଙ୍କ କାର୍ଯ୍ୟାଳୟରେ ନାମାଙ୍କନ ଭରିବେ ପ୍ରଦୀପ ପୁରୋହିତ । ପଦ୍ମପୁରରେ ପ୍ରଭୁ ନୃସିଂହ ଠାକୁରଙ୍କ ସମେତ ଦେବଦେବୀଙ୍କୁ ପୂଜାର୍ଚ୍ଚନା ଓ ନିଜ ମାଁ ସୁଲୋଚନା ପୁରୋହିତଙ୍କ ଆଶୀର୍ବାଦ ନେଇ ବରଗଡ଼ ସାଂସଦ ପ୍ରାର୍ଥୀ ପ୍ରଦୀପ ପୁରୋହିତ ନାମାଙ୍କନ ପାଇଁ ବାହାରିଛନ୍ତି । ରାସ୍ତାରେ ପଦ୍ମପୁର ସମେତ ଗାଁ ଗାଁ ରେ ଶୁଭେଚ୍ଛା ଓ ଶୁଭକାମନା ଜଣାଇଛନ୍ତି ମହିଳା ଓ ପୁରୁଷ।
