ଭୁବନେଶ୍ୱର/ମହାକାଳପଡ଼ା, କେନ୍ଦ୍ରାପଡା ଜିଲ୍ଲା ବିଜୟନଗର ପଞ୍ଚାୟତରେ ଶଙ୍ଖାପଦା ଗାଁରେ ଅଗ୍ନିକାଣ୍ଡ । ଗତକାଲି ବିଳମ୍ବିତ ରାତିରେ ସର୍ଟସର୍କିଟ ଯୋଗୁଁ ଅଗ୍ନିକାଣ୍ଡ ଘଟି ୨ବଖରା ଘର ଜଳିଯାଇଛି । ଘରର ଆସବାବପତ୍ର ସମେତ ବହୁ ଧନସମ୍ପତି ପୋଡ଼ି ନଷ୍ଟ ହୋଇଛି ।
ଗତ କାଲି ବିଳମ୍ବିତ ରାତିରେ ସର୍ଟ ସର୍କିଟ ଯୋଗୁଁ ହଠାତ ଫ୍ୟାନ ତାର ଜଳିଯିବାରୁ ନିଆଁ ଲାଗି ଘର ଜଳିଯାଇଛି । ଘରେ ଥିବା ବର୍ଷକର ଆହାର ଧାନ, ଚାଉଳ ଟଙ୍କା ପଇସା ଆସବାବପାତ୍ର ସହିତ ସବୁ ଜଳି ପୋଡି ପାଉଁଶ ହୋଇଯାଇଛି । ଖବର ପାଇ ମହାକାଳପଡ଼ା ଅଗ୍ନିଶମ ବାହିନୀ ପହଁଚି ନିଆଁକୁ ଆୟତ କରିଥିଲା । ଅଗ୍ନି ବିପନ୍ନ ପରିବାରକୁ ତୁରନ୍ତ ସରକାରୀ ସହାୟତା ଯୋଗାଇ ଦେବାକୁ ଗ୍ରାମବାସୀ ଦାବି କରିଛନ୍ତି ।
